भडगाव, लोकशाही न्यूज नेटवर्क
भडगाव शहरातील यशवंत नगर परिसरातील हमीदा बी अफजल मन्यार या शेतमजुरी करून आपला उदरनिर्वाह चालवतात. यातच गुरुवारी दिनांक 15 रोजी सायंकाळी साडेसात वाजेच्या दरम्यान त्यांच्या घरात शॉकसर्किटने आग लागली. या आगीत सर्व घरासह संसार उपयोगी वस्तू जळून खाक झाले आहे .याबाबत भडगाव महसूल विभागाने पंचनामा केला असून लवकरात लवकर त्यांना आर्थिक व संसार उपयोगी वस्तू मिळाव्या अशी अपेक्षा करण्यात आले आहे.
या घटनेच्या वेळी अफजल मन्यार व मुलगा तोफिक मण्यार कामावर होते. तर त्याची आई आणि मुलगी सुदैवाने घराबाहेर होते. या घटनेत घरगुती साहित्यासह टीव्ही, फ्रिज, कुलर, शोकेस, कपाट, जळून खाक झाली तर मोठे नुकसान झाले. या झोपडीवजा घरांची राखरांगोळी झाली तर हमीदा बी अफजल मन्यार यांच्या घरातील गृहोपयोगी साहित्यासह झोपडीवजा घर आगीत भस्मसात झाले. आग लागल्याचे निदर्शनास येताच नागरिकांनी भडगाव नगरपरिषदेचे अग्निशमन दलास पाचारण केले. आगीदरम्यान घरात असलेल्या आगीने अधिकच उग्ररूप धारण केले. सदर आग शॉर्टसर्किटमुळे लागली असावी, असा अंदाज व्यक्त करण्यात येत आहे.
एका गरीब कुटुंबावर कोसळलेले हे मोठे संकट आहे. या कठीण परिस्थितीत मन्यार कुटुंबीयांना आधार देणे आणि त्यांना मदत करणे खूप महत्त्वाचे आहे. प्रशासनाने पंचनामा केला असून त्यांना तातडीची मदत मिळावी हे अपेक्षित आहे.
