भडगावात मेनरोडवरील सराफी दुकानाच्या मागिल भिंत फोडून चोरी

भडगावात मेनरोडवरील सराफी दुकानाच्या मागिल भिंत फोडून चोरी

सहा किलो चांदीसह रोकड लंपास ; पोलीस निरीक्षकांचा धाक संपला?

भडगाव – प्रतिनिधी

भडगाव शहरातील मेन रोड वरील घोडके सराफ या ज्वेलरीच्या दुकानाची मागील भिंत तोडून अज्ञात चोरट्यांनी सहा किलो चांदी व रोख रक्कम चोरून नेल्याची घटना आज सकाळी उघडकीस आली आहे याबाबत भडगावातील मेन रोडवर व भर चौकातील दुकान चोरट्यांनी फोडल्याने पोलीस निरीक्षकांचा धाक संपला की काय असा सवाल नागरिकांकडून करण्यात येत आहे.

याबाबत अधिक माहिती अशी, की मेन रोडवरील घोडके सराफ हे दुकान मालक बाहेर गावी गेल्याने दोन दिवसांपासून बंद होते. या दुकानाची मागची भिंत अज्ञात चोरट्यांनी तोडून दुकानाच्या मध्ये प्रवेश करत चोरी केली. ही घटना आज सकाळी उघडकीस आली.

याबाबत भडगाव शहरातील मेन रस्त्यावर चे हे दुकान असून याबाबत भडगाव पोलीस निरीक्षक यांचा चोरट्यांमध्ये असलेला धाक संपलेला दिसत असून रात्री अपरात्री गिरणा नदी पात्रातील चोरट्यांमध्ये पोलीस निरीक्षकांचा धाक संपलेला दिसत आहे.