अवैध वाळू वाहतूक करणारे दहा टायरी डंपर जप्त
चाळीसगाव डीवायएसपी पथकाची कारवाई
भडगाव पोलीस स्टेशनचे पोलीस निरीक्षक यांचे दुर्लक्ष का ?
भडगाव -प्रतिनिधी
भडगाव तालुक्यातील गिरणा नदी पात्रातून अवैध वाळू उपसा करणारे एक डंपर गिरड येथे अवैध वाळू वाहतूक करताना डी.वाय.एस.पी.चाळीसगांव श्री.राजेश चंदेल यांच्या पथकाने पकडले असून ते डंपर नंबर एम एच २१ बि.एच २२४७ हे भडगाव पोलीस स्टेशन येथे जमा करण्यात आले असून त्यावर कारवाई करण्यात येणार आहे.
सदर भडगाव तालुक्यात गिरणा नदी पात्रातून अवैध वाळू वाहतूक करणारे डंपर जेसीबी यावर भडगाव महसूल विभाग व डी.वाय.एस.पी.चाळीसगांव यांचे पथक येथे येऊन कारवाई करत आहे. तरी भडगाव पोलीस स्टेशनचे पोलीस निरीक्षक हे कारवाई का करत नाहीत त्याकडे दुर्लक्ष का करत आहेत अशी चर्चा परिसरात सुज्ञ नागरिकांमध्ये चालू आहे.
