जळगाव , लोकशाही न्यूज नेटवर्क
४३ वर्षीय महिलेला लग्नाचे आमिष दाखवत वारंवार अत्याचार केल्याचा धक्कादायक प्रकार जळगाव शहरातील एका भागात समोर आला आहे. याप्रकरणी न्यायालयाच्या आदेशानुसार बुधवारी ८ मार्च रोजी एकावर गुन्हा दाखल करण्यात आला आहे.
घरगुती मेस चालवून आणि लेडीज गारमेंटसचा व्यवसाय करून कुटुंबाचा उदरनिर्वाह करणारी पिडित महिला ही दोन मुलींसह राहायला आहे. त्यांच्या पतीचे सन २००५ मध्ये निधन झाले आहे. दरम्यान, श्रीकृष्ण तुकाराम मेगंडे (वय-४०) रा. अयोध्या नगर, जळगाव याची मेसमध्ये जेवणासाठी येत असतांना महिलेची ओळख निर्माण झाली. २३ मार्च २०१७ ते ३० मे २०१९ दरम्यान संशयित आरोपी श्रीकृष्ण मेगंडे याने महिलेला लग्नाचे आमिष दाखवत जबरदस्ती अत्याचार केला. तसेच काहीना काही कारण सांगून तिच्याकडून पैसे घेत होता. आत्तापर्यंत संशयित आरोपीने महिलेकडून १९ लाख १० हजार रूपये वेळोवेळी उकाळले आहे. दरम्यान, फसवणूक झाल्याचे लक्षात आल्यानंतर महिलने न्यायालयात धाव घेतली. ८ मार्च रोजी न्यायालयाच्या आदेशानुसार रामानंदनगर पोलीस ठाण्यात संशयित आरोपी श्रीकृष्ण तुकाराम मेगंडे याच्या विरोधात गुन्हा दाखल करण्यात आला. पोलीस उपनिरीक्षक गोपाल देशमुख पुढील तपास करीत आहे.
