ग्रामपंचायत सरपंच यांची प्रशासक म्हणूण नियुक्ती करा!

मनवेल ता. यावल

यावल तालुक्यातील ४४ ग्रामपंचायतीच्या सरपंच, उपसरपंच व सदस्यांचा कार्यकाळ लवकरच संपत असून शासनाकडून प्रशाषक नेमवणूक करण्यात येत असून सरपंच यांना प्रशासक म्हणून नियुक्ती करण्यात यावी अशी मागणी यावल तालुका सरपंच परिषद (मुंबई) यांच्या मार्फत गट विकास अधिकारी पंचायत समिती यावल व जिल्हा परिषद जळगाव यांच्याकडे करण्यात आली.

यावल तालुक्यातील ४४ ग्राम पंचायतीच्या सरपंच उपसरपंच व सदस्याचा कार्यकाळ २० फेब्रुवारी २०२६ रोजी संपत आहे. महाराष्ट्र राज्य सरपंच परिषद (मुंबई) शाखा यावल याच्या वतीने सरपंच परिषदचे यावल तालुका अध्यक्ष संदिप प्रभाकर सोनवणे यांच्या अध्यक्षतेखाली तालुक्यातील सरपंच उपसरपंच व सदस्यांची बैठक घेण्यात आली.

या बैठकीत ४४ ग्राम पंचायत सरपंच उपसरपंच व सदस्याचा कार्यकाळ संपत आहे. त्याठिकाणी शासनाने १९९३ मध्ये सरपंच यांना प्रशासक म्हणून नियुक्ती केली होती. त्याप्रमाणे मुदत संपणाऱ्या ग्राम पंचायतीच्या प्रशासक म्हणून नियुक्ती करण्यात यावी असा ठराव मंजूर करण्यात आला.

१ प्रोसीडींग बुकांची नक्कल व १९९३ साठी नियुक्ती करण्यात आलेल्या सरपंच यांची प्रशासक म्हणून नियुक्ती केली होती. त्या आदेशाची प्रत यावल पंचायत समिती व जळगाव जिल्हा परिषद यांना देऊन शासनाने त्वरीत सरपंच यांना प्रशासक म्हणून नियुक्ती करण्यात यावे, या आशयाचे निवेदन सरपंच परिषदचे तालुकाध्यक्ष संदिप सोनवणे यांच्या नेतृत्वाखाली यावल तालुक्यातील सरपंच उपसरपंच व सदस्यं मार्फत यावल पंचायत समितीचे गटविकास अधिकारी यांना देण्यात आले.

यावेळी साकळी येथील सरपंच दिपक पाटील, भालोद येथील प्रदिप कोळी, ज्योती कोळी, अजय भालेराव, नौशाद तडवी, अशोक तायडे, रोहीदास कोळी तालुक्यातील सरपंच उपसरपंच व सदस्य उपस्थित होते.