यावल : तालुक्यातील चुंचाळे येथील एका 60 वर्षीय वृद्ध इसमाचा शेतातील विहिरीत पडून मृत्यू झाला. ही घटना सोमवारी सकाळी साडेनऊ वाजेच्या सुमारास घडली
चुंचाळे ता. यावल येथे डिगंबर सदु कोळी वय 60 वर्ष हे राहतात सोमवारी सकाळी नऊ वाजता ते गावालगत असलेल्या संजय पाटील यांच्या शेत गट क्रमांक 3 मध्ये शेत विहिरी जवळ काम करत होते दरम्यान त्याच वेळी त्यांचा पाय घसरून ते शेत विहिरीत पडले सदर प्रकार शेतमजुरांच्या निदर्शनास येतात त्यांनी तातडीने विहिरीजवळ धाव घेतली मात्र डिगंबर कोळी यांचा पाण्यात बुडून मृत्यू झाला होता. तातडीने नागरिकांना माहिती देण्यात आली व डिगंबर कोळी यांचा मृतदेह तेथून यावल ग्रामीण रुग्णालयांमध्ये शवविच्छेदन करीता आणण्यात आला या प्रकरणी यावल पोलिसात पिंटू कोळी यांनी दिलेल्या खबरी वरून अकस्मात मृत्यूची नोंद करण्यात आली आहे. पुढील तपास सहाय्यक फौजदार अजित शेख, हवलदार नरेंद्र बागुले करीत आहे. मयत डिगंबर कोळी यांच्या पश्चात पत्नी, दोन मुली असा परिवार आहे.
