मुंबई, लोकशाही न्यूज नेटवर्क:
काल आलेल्या राज्यात मोठ्या राजकीय भूकंपाचे पडसाद आजही संपूर्ण राज्यात उमटत आहेत. शरद पवार यांनी निवृत्तीची घोषणा करताच राष्ट्रवादीमध्ये (NCP) राजीनामा सत्र सुरू झाल्याने त्यातील एक महत्त्वाचा राजीनामा अनिल पाटील यांचा असल्याचे समोर आले आहे. अनेकांनी राजीनामा देण्यास सुरुवात केली आहे. अशातच राष्ट्रवादी काँग्रेसचे प्रतोद आमदार अनिल पाटील हे राजीनामा देत असल्याचे पत्र शरद पवार यांना दिलेले आहे. शरद पवार यांच्या निर्णयानंतर राज्यभरातील कार्यकर्ते नेते तीव्र विरोध करत आहेत.
काही वेळापूर्वी अनिल पाटील हे सिल्वर ओकवर आले होते आणि त्यांनी शरद पवारांची भेट घेतली. त्यावेळेस आपण शरद पवार यांनी घेतलेली भूमिका मागे घ्यावी, अन्यथा आमदारकीचा राजीनामा देऊ असे पत्र दिले आहे. मात्र आमदारकीचा राजीनामा हा विधान सभा अध्यक्षांना द्यावा लागतो, मात्र अनिल पाटील यांनी पदाचा राजीनामा देत असल्याचे पत्र शरद पवार यांना दिले आहे. यावेळी अनिल पाटील म्हणाले की, ‘आमचे जे काही राजकीय अस्तित्व आहे, शरद पवार यांच्यामुळे आहे, त्यांनी जो काही निर्णय घेतला आहे, त्यामुळे मी हे राजीनाम्याचे पत्र शरद पवार यांना दिले आहे. तसेच शरद पवार यांनी ठोस निर्णय घेतल्यानंतर आम्ही आपली भूमिका स्पष्ट करू.
शरद पवार यांनी सर्वसामान्य जनतेसह पक्षातील सर्व प्रमुख नेते पदाधिकारी व कार्यकर्त्यांचा भावनांचा आदर करून आपला निर्णय मागे घ्यावा अशीही मागणी अनिल पाटील यांनी केली जर ते आपला निर्णय मागे घेणार नाही, तर आमदारकीचा आम्ही राजीनामा देणार आहोत. माझ्यासह पक्षातील इतर आमदार देखील आपल्या आमदारकीचा राजीनामा दिला असे अनिल पाटील यांनी स्पष्ट केले. तसेच निषेध म्हणून आम्ही स्वरूपातला मी राजीनामा दिलेला आहे, मात्र शरद पवार यांनी आता अंतिम निर्णय घ्यायचा असल्याचे ते म्हणाले.
