अमळनेर , लोकशाही न्युज नेटवर्क
अमळनेरमधून धक्कादायक घटना समोर आलाय. ३५ वर्षीय महिलेचा काटेरी झुडुपात मृतदेह आढल्याची घटना अमळनेरच्या गांधलीपुरा भागातील मेहतर कॉलनीजवळ समोर आली. अनुकंपावर नगरपालिकेत आपल्याला नोकरी लागावी यासाठी नणंदने प्रियकराच्या मदतीने वहिनीला जीवे मारल्याची माहिती पोलीस तपासात समोर आली आहे.
रक्तबंबाळ अवस्थेत आढळली
मिळालेल्या माहितीनुसार,अमळनेर येथील गांधलीपुरा परिसरात राहणाऱ्या पारोबाई घोगले यांनी दिलेल्या फिर्यादीनुसार त्यांची मुलगी मंगला घोगले व सून शीतल जय घोगले या दोघी २२ सप्टेंबरला सकाळी शौचास गेल्या होत्या. दरम्यान मुलगी मंगला ही दहा ते पंधरा मिनिटांत परत आली. मात्र सुनबाई परत का आली नाही, म्हणून विचारले असता, कोरडी लाकडे घेऊन येते, असे सांगून मला पुढे पाठवले असल्याचे मुलीने सांगितले. त्यानंतर मुलगी मंगला ही गांधलीपुरा परिसरातून मटण घेऊन परत आली. तरी देखील सून परत आली नाही, म्हणून सर्वजण तिला शोधायला काटेरी झुडुपात गेले असता, शीतल रक्तबंबाळ अवस्थेत आढळून आली. तिच्या हातावर व डोक्यावर वार केलेले दिसत होते. तिला दवाखान्यात नेले असता, डॉक्टरांनी मृत घोषित केले.
मंगलासह प्रियकर जेरबंद
घटनेतील मृत शीतल यांच्या सासू पारूबाई घोगले या नगरपालिकेत सफाई कर्मचारी म्हणून कामाला आहेत. त्यांचा मुलगा जय हा आजारी राहत असल्याने त्यांच्या जागेवर सून शीतल लागेल. परंतु आपल्या वाहिनी ऐवजी आपण कामाला लागावे असे मुलगी मंगला हिला वाट असल्याने तिने प्रियकराच्या मदतीने वाहिनी शीतल हीच खून केल्याचे पोलीस तपासात समोर आले आहे. या प्रकरणी पोलिसांनी मंगला हिच्याशी तिच्या प्रियकराला ताब्यात घेतले आहे.
