अवैध वाळू वाहतूक करणारे ट्रॅक्टर पकडले !
अमळनेर (प्रतिनिधी) : अमळनेर तालुक्यातील बोहरा गावात महसूल विभागाच्या पथकाने दि. १२ रोजी पहाटे अवैध वाळू वाहतूक करणारे ट्रॅक्टर जप्त केले. उपविभागीय अधिकारी नितीनकुमार मुंडावरे आणि तहसीलदार रुपेश कुमार सुराणा यांच्या मार्गदर्शनाखाली ही कारवाई करण्यात आली.
कारवाई दरम्यान एक अनधिकृत गौण खनिज वाहतूक करणारे ट्रॅक्टर आढळून आले, त्यानंतर संबंधित ट्रॅक्टर ताब्यात घेऊन अमळनेर तहसील कार्यालयात जमा करण्यात आले. महसूल पथकाने तातडीने हा तपास हाती घेतला.
सदर कारवाईत महसूल विभागाच्या पथकातील मनोहर भावसार (ग्राम महसूल अधिकारी), पी. एस. पाटील (मंडळ अधिकारी, वावडे भाग), भुषण पाटील (ग्राम महसूल अधिकारी, बोहरा), कल्पेश कुँवर (ग्राम महसूल अधिकारी, रणाईचे), सचिन बमनाथ (ग्राम महसूल अधिकारी), ए. बी. सोनवणे (ग्राम महसूल अधिकारी, अमळनेर), अमोल चक्र (ग्राम महसूल अधिकारी), आशीष पारधे (ग्राम महसूल अधिकारी, जोगी) आणि अभिमन जाधव (ग्राम महसूल अधिकारी) यांनी सहभाग घेतला.
या कारवाईमुळे परिसरात अवैध वाळू उपसा व वाहतुकीवर नियंत्रण ठेवण्यासाठी महसूल विभागाने कठोर पावले उचलल्याचे स्पष्ट झाले आहे.
