जळगाव ;-शाळा सुटल्यानंतर आपल्या आई सोबत दुचाकीने जाणाऱ्या चार वर्षाच्या चिमूकलीला वेगाने येणाऱ्या डंपरणे धडक दिल्यामुळे तिचा मृत्यू झाल्याची दुर्दैवी घटना आज घडली असून या प्रकरणी गुन्हा दाखल करण्यात आला आहे .
प्रेरणा योगेश नेमाडे (वय-४) रा. माऊली नगर, जळगाव असे मयत चिमुकलीचे नाव आहे. दरम्यान जिल्हा शासकीय वैद्यकीय महाविद्यालयात नातेवाईकांनी मोठी गर्दी केली होती. यावेळी नातेवाईकांचा आक्रोश उपस्थित व्यक्तींना हेलावून टाकणारा होता.
याबाबत अधिक माहिती अशी की, योगेश नेमाडे हे आपल्या पत्नी दक्षता, मुलगी प्रेरणा आणि मुलासह माऊली नगरात राहत असून त्यांची चार वर्षाची मुलगी प्रेरणा ही जळगाव पब्लिक स्कूलमध्ये नर्सरी वर्गात शिकत आहे.
प्रेरणाची शाळा सुटल्यानंतर तिची आई दक्षता या स्कूटी (एमएच १२ ईडब्ल्यू ८८२९) घेण्यासाठी गेल्या होत्या. मुलगी प्रेरणाला स्कूटीने घरी घेवून जात असतांना राष्ट्रीय महामार्गावारील हॉटेल तनय जवळ भरधाव वेगाने येणाऱ्या डंपर (एमएच १९ सीवाय ६७६९) ने जोरदार धडक दिली. या धडकेत चिमुकली प्रेरणा गंभीर जखमी झाली. तिला तातडीने जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी डॉ. चंदन महाजन यांनी मयत घोषीत केले.
दरम्यान, डंपर चालक डंपर सोडून पसार झाला होता. एमआयडीसी पोलीसांनी घटनास्थळी धाव घेतली.यावेळी जिल्हा शासकीय वैद्यकीय महाविद्यालयात नातेवाईकांनी एकच आक्रोश केला.
