चंद्रपूर, लोकशाही न्यूज नेटवर्क
चंद्रपूर जिल्ह्यातील लखमापूर तहसील येथील दोन जण अवैध तलवार सोबत बाळगून लोकांमध्ये दहशत निर्माण करत असल्याची माहिती चंद्रपूर पोलिसांना मिळाली. धीरज बबलू यादव (वय ३२) आणि पसार आरोपी राहुल यांच्यावर भारतीय हत्यार कायदा कलम ४ व २५ अंतर्गत गुन्हा नोंद करत चंद्रपूर शहरातील वडगाव ते आंबेडकर सभागृह परिसरात पोलिसांच्या स्थानीक गुहे पथक चंद्रपूर यांनी दोघांना ताब्यात घेतले.
पोलीसांनी मिळवलेल्या गोपनीय माहितीच्या आधारे धीरज बबलू यादव तलवार घेऊन दहशत निर्माण करत असल्याचे आढळले. त्याच्यासह त्याच्या सहकारी कडून एकूण ३ तलवारांची जप्ती करण्यात आली आहे, ज्याची किंमत सुमारे ३ हजार रुपये आहे. या प्रकरणी रामनगर पोलिस ठाण्यात गुन्हा दाखल करून दोन्ही आरोपींना पंचासमक्ष ताब्यात घेण्यात आले.
ही कारवाई पोलीस अधीक्षक मुमक्का सुदर्शन आणि अप्पर पोलीस अधीक्षक ईश्वर कातकडे यांच्या मार्गदर्शनाखाली पोलीस निरीक्षक अमोल काचोरे यांच्या नेतृत्वाखाली करण्यात आली. यामध्ये एपीआय बलराम झाडोकर, पीएसआय संतोष निभोरकर, पीएसआय सर्वेश बेलसरे, पोहवा जय सिंह, सचिन गुरनुले, संतोष येलपुलवार, नितीन रायपुरे आणि दिनेश अराडे यांनी केली. तसेच स्थानिक गुन्हे शाखा चंद्रपूरच्या सहकार्याने कारवाई यशस्वी झाली असून पुढील तपास स्थानिक गुन्हे शाखाचे पोलीस करीत आहे.
