जळगावातील गुरुनानक नगरमधील तरूणाची आत्महत्या

0

जळगाव । शहरातील गुरूनानक नगरातील रहिवाशी रितीक प्रेम पवार (वय-३०) या तरुणाने बुधवारी सायंकाळी राहत्या घरात गळफास घेऊन आत्महत्या केल्याची घटना घडली. याबाबत शनीपेठ पोलीस ठाण्यात अकस्मात मृत्यूची नोंद करण्यात आली.

हा प्रकार घरातील सदस्यांच्या लक्षात आल्याने त्यांनी हंबरडा फोडला होता. त्यांनी तातडीने जिल्हा वैद्यकीय महाविद्यालयात दाखल केले असता वैद्यकीय अधिकारी यांनी मयत घोषीत केले. तरूणाने गळफास घेतल्याचे कारण अद्याप कळू शकले नाही. आज ८ मार्च रोजी शासकीय वैद्यकीय महाविद्यालयात शवविच्छेदन करण्यात आले असून मृतदेह नातेवाईकांच्या ताब्यात देण्यात आले आहे. मयताच्या पश्चात आई आरती, बहिण निकिता आणि वडील प्रेम पवार असा परिवार आहे. याप्रकरणी शनीपेठ पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ रघुनाथ महाजन करीत आहे.

Leave A Reply

Your email address will not be published.