साहित्य :
8 मध्यम आकाराच्या बाळ कैऱ्या (लहान लिंबू च्या आकाराच्या – अगदी लहान कैऱ्या घेतल्यास तुरट- कडवट लागतात)
एक वाटी किसलेला गुळ
एक लहान चमचा मेथी दाणे,
2 मोठे चमचे मोहरी डाळ
4 लहान चमचे लाल मिरची पावडर
एक लहान चमचा शोप
5 लवंगचे तुकडे
4 चिमूट हिंग
एक वाटी तेल
चवीनुसार मीठ
कृती :
स्टेप 1
कैऱ्या पाण्याने स्वच्छ धुवून सुती कपड्याने पुसून कोरड्या करा.
स्टेप 2
आता बाळ कैऱ्यांच्या लहान-लहान फोडी करा (नेहमी वर्ष भराचे कैरी लोणचे करतो त्या पेक्षा लहान आकाराच्या फोडी). सर्व कैऱ्यानं मधील आठोळी काढून घ्या. स्वच्छ व कोरड्या केलेल्या काचेच्या बरणीत/चिनी मातीच्या बरणीत कैरीच्या फोडी घाला.
स्टेप 3
मिक्सरच्या साहाय्याने शोप, मेथी दाणे ह्यांची भरड करून घ्या.
स्टेप 4
मध्यम उष्णतेवर वर स्टील च्या भांड्यात तेल गरम करण्यास ठेवा. तेल चांगले गरम झाल्यावर गॅस बंद करा व 5-6 मिनिटाने तेल थोडे कोमट झाल्यावर त्यात हिंग, मोहरी डाळ, लवंग तुकडे, हळद, मीठ, भरड केलेले मेथीचे दाणे घाला व एकजीव करून घ्या.
Step 5
तयार मिश्रण/फोडणी पूर्ण पणे थंड झाल्यावर काचेच्या बरणीत/ चिनी मातीच्या बरणीत ठेवलेल्या कैरीच्या फोडींवर घाला व किसलेला गुळ घालून डावाने चांगले खाली वर करून एकजीव करून घ्या व बरणी थंड ठिकाणी झाकण पक्के लावून ठेवा.
तयार लोणचे 2 दिवसांनी खाण्यास घ्या. असे लोणचे फ्रिज मध्ये 8-10 दिवस चांगले राहते
-विलासराव असोदेकर काका
