कोरोनाच्या महामारीमध्ये लोकांना जीवन विमा आणि विशेषत: वैद्यकीय विम्याचे महत्त्व लक्षात आलेय. या साथीच्या आजारामुळे वैद्यकीय विम्यात बरीच वाढ झालीय. सर्वसामान्यांना परवडणाऱ्या किमतीत विमा संरक्षण कवच उपलब्ध करून देण्यासाठी सरकार सातत्याने प्रयत्न करीत आहे. सरकारने आपल्यासाठी प्रधानमंत्री जीवन ज्योती योजना आणली आहे. या योजनेंतर्गत वर्षामध्ये फक्त 330 रुपये खर्च करून जीवन विम्याचा लाभ घेता येतोय.
या योजनेच्या वैशिष्ट्यांविषयी सांगायचे झाल्यास रिस्क कव्हरेज 2 लाख रुपयांपर्यंत आहे. जर विमाधारकाचा अचानक मृत्यू झाला, तर त्याच्या कुटुंबास 2 लाख रुपये मिळतील. या योजनेचा लाभ 18 वर्षे ते 50 वर्षे वयोगटातील लोक घेऊ शकतात. वार्षिक प्रीमियम फक्त 330 रुपये आहे. एका महिन्याचे प्रीमियम फक्त 27 रुपये आहे. 27 जानेवारी 2021 पर्यंत या योजनेंतर्गत 9 कोटी 88 लाख 79 हजार 708 लोकांनी नोंदणी केली आहे. या योजनेंतर्गत आतापर्यंत 2 लाख 8 हजार 440 दावे जारी करण्यात आलेत. तुम्हालाही या योजनेचा लाभ घ्यायचा असेल तर तुम्ही जवळच्या कोणत्याही सरकारी बँकेच्या शाखेत पोहोचू शकता.
पंतप्रधान जीवन ज्योती विमा योजना मे 2015 मध्ये सुरू करण्यात आली होती. ही एक मुदत विमा योजना आहे, जी देशातील गरीब लोकांच्या लक्षात ठेवून तयार केली गेली. या योजनेचे सर्वात मोठे वैशिष्ट्य म्हणजे त्याची वैधता एक वर्ष आहे आणि तिचं दरवर्षी नूतनीकरण करण्यात येते.
विम्यासाठी केवळ 330 रुपये भरावे लागतील
जर एखाद्या कारणामुळे विमाधारकाचा मृत्यू झाला, तर नामनिर्देशित व्यक्तीला 2 लाख रुपये मिळतात. यासाठी त्याला केवळ 330 रुपये द्यावे लागतील. ही योजना जीवन विमा महामंडळ आणि देशातील इतर विमा कंपन्या चालवित आहेत. यासाठी बँक खाते असणे आवश्यक आहे. ज्या बँकेत आपले खाते आहे, त्या बँकेमार्फत विमा कंपनी निवडण्यासाठी विनामूल्य आहे. तुमच्या खात्यातून प्रीमियम वजा केला जाईल आणि विमा कंपनी 2 लाखांचा मुदत विमा देईल.
