नवी दिल्लीः सध्या कोरोनाच्या संकटकाळात बचतीबरोबरच गुंतवणूक करणे आवश्यक आहे. आपल्या दैनंदिन खर्चातील काही पैसे बरेच जण गुंतवून ठेवण्याला अधिक महत्त्व देतात. काही जण पगारातील काही पैसे गुंतवून ठेवतात, जेणेकरून काही काळानंतर त्यांना चांगले उत्पन्न मिळेल. काही दिवसांनंतर त्यांना निश्चित व्याजदरावर पैसे मिळतात, परंतु जे गुंतवणूक करतात त्यांना धोका अधिक असतो, परंतु त्यांना बचतीतून कितीतरी पटीने पैसे मिळत असतात. जर तुम्हालाही गुंतवणूक करायची असेल आणि दरमहा गुंतवणुकीसाठी तुमच्याकडे पैसे नसतील तर तुम्ही दर दिवशी थोड थोडे पैसे गुंतवून मोठी रक्कम जमा करू शकता.
ज्यांना कमी पैशात गुंतवणूक करायची आहे आणि त्यांना अधिक परतावा हवा आहे, त्याच्यासाठी काही खास योजना आहेत. उदाहरणार्थ, जर आपण 1000 रुपये गुंतवत असाल तर काही वर्षांनंतर हे पैसे लाखो रुपयांमध्ये रूपांतरित होऊ शकतात. अशा परिस्थितीत आम्ही तुम्हाला गुंतवणुकीची पद्धत सांगत आहोत, ज्याद्वारे तुम्ही येत्या 20 वर्षांत दरमहा 1000 रुपये गुंतवून 20 लाख रुपयांमध्ये कमावू शकता.
गुंतवणूक कुठे करावी?
जर तुम्हाला अधिक परतावा हवा असेल तर तुमच्यासाठी एसआयपीहा एक चांगला पर्याय आहे. एसआयपीद्वारे आपल्याला काही वर्षांत चांगले उत्पन्न मिळू शकते. यासाठी तुम्ही महिन्यातून किमान 500 रुपये गुंतवू शकता. आनंद राठी वेल्थ मॅनेजर्सचे डेप्युटी सीईओ फिरोज अजीज यांच्या म्हणण्यानुसार, जर तुम्ही दरमहा 1000 रुपये गुंतवले तर तुम्ही 20 वर्षांत 20 लाख रुपयांपर्यंत कमाई करू शकता.
असोसिएशन ऑफ म्युच्युअल फंड ऑफ इंडिया च्या म्हणण्यानुसार, 2018 मध्ये 12.9 लाख एसआयपी खात्यांची नोंदणी झाली होती. आता नवीन गुंतवणूकदार इक्विटी म्युच्युअल फंडांमध्ये रस दाखवत आहेत. यामागील कारण म्हणजे बँकांच्या घसरत्या व्याजदरामुळे मुदत ठेवींच्या (एफडी) परताव्यावर दबाव आलाय.
किती दिवसात किती फायदा?
आनंद राठी वेल्थ मॅनेजर्सचे फिरोज अजीज म्हणतात, जर कोणी एसआयपीमार्फत सलग 20 वर्षे दरमहा फक्त 1000 रुपये गुंतवले तर 20 वर्षांत तुम्ही 20 लाखांपर्यंत कॉर्पस जमा करू शकता. त्याचबरोबर पुढच्या 30 वर्षांसाठी अशीच गुंतवणूक केल्यास 30 वर्षांनंतर तुम्हाला 50 लाख रुपये मिळू शकतात.
आरडी फायदेशीर का आहे?
त्याचबरोबर रिकरिंग डिपॉजिटमध्ये अशी गुंतवणूक केवळ 5-5.50 लाख रुपयांपर्यंत जमा करता येईल. म्हणजेच जर तुम्ही साध्या आरडीमध्ये इतके पैसे गुंतवले तर येत्या 20 वर्षांत तुम्हाला केवळ 5.50 लाख रुपये मिळतील, तर एसआयपीमध्ये ही रक्कम जास्त पटीने वाढेल.
