नवी दिल्ली : देशभरात महागाईने सर्वसामान्य जनतेचे कंबरडे मोडली आहे. पेट्रोल-डीझेल पाठोपाठ घरगुती एलपीजी सिलिंडरच्या किंमतीं सध्या गगनाला भिडल्या आहेत. 2021 मध्ये अनुदानित सिलिंडरची किंमत आतापर्यंत 225 रुपये प्रति सिलिंडरपर्यंत वाढली आहे. दिल्लीत अनुदानित 14.2 किलो एलपीजी सिलिंडरची किंमत 819 रुपयांवर पोहोचली आहे. पण पेटीएम तुमच्यासाठी एक खास ऑफर घेऊन आलं आहे, त्याअंतर्गत तुम्ही फक्त 119 रुपयांमध्ये 819 रुपयांचे सिलिंडर घेऊ शकता. म्हणजे तुम्हाला थेट 700 रुपये कॅशबॅक मिळेल. तर मग जाणून घ्या या ऑफरचा कसा फायदा घ्यावा.
तुम्ही पेटीएमवर (Paytm) तुमचा एलपीजी सिलिंडर बुक करुन 700 रुपयांपर्यंतचा कॅशबॅक मिळवू शकता. अनुदानानंतर एलपीजी सिलिंडर 819 रुपये असून देशातील बहुतेक ठिकाणी पेटीएमच्या खास कॅशबॅकचा फायदा घेऊन तुम्ही तो फक्त 119 रुपयांत खरेदी करू शकता.
कशी मिळवणार ऑफर जाणून घ्या…
– फोनमध्ये पेटीएम अॅप (Paytm App) नसेल तर प्रथम डाऊनलोड करा.
– त्यानंतर पेटीएम वर जा आणि ‘शो’ (Show more) वर क्लिक करा.
– आता ‘recharge and pay bills’ वर जा.
– आता ‘बुक सिलिंडर’ पर्याय उघडा.
– भारत गॅस, एचपी गॅस किंवा इंडेनमधून आपला गॅस निवडा.
– नोंदणीकृत मोबाइल क्रमांक किंवा तुमचा एलपीजी आयडी भरा.
– यानंतर तुम्हाला पेमेंटचा पर्याय दिसेल.
– आता देय देण्यापूर्वी ‘FIRSTLPG’ प्रोमो कोड ऑफरवर ठेवा.
नियम आणि अटी
पेटीएम अॅपच्या माध्यमातून प्रथमच एलपीजी गॅस सिलिंडर बुक करणार्‍या ग्राहकांना 700 रुपयांपर्यंतची ही कॅशबॅक मिळू शकेल. हे कॅशबॅक ऑफर 31 मार्च 2021 पर्यंतच असणार आहे. म्हणजेच, स्वस्त एलपीजी सिलेंडर खरेदी करण्यासाठी आपल्याकडे फक्त 7 दिवस शिल्लक आहेत. बुकिंगच्या 24 तासांच्या आत तुम्हाला कॅशबॅक स्क्रॅच कार्ड मिळेल. हे स्क्रॅच कार्ड 7 दिवसांच्या आत वापरावे लागेल.
Amazon Pay वरून मिळेल 50 रुपयांचा कॅशबॅक
गॅस खरेदी करताना 50 रुपये वाचवले जाऊ शकतात. त्यासाठी इंडियन ऑईलने खास ऑफर सांगितली आहे. इंडियन ऑईलने दिलेल्या माहितीनुसार इंडियन ऑईल म्हणजेच इंण्डेन या कंपनीचा गॅस खरेदी केल्यांतर 50 रुपये कॅशबॅक मिळू शकतो. त्यासाठी एलपीजी सिलिंडरची बुकिंग अ‌ॅमेझॉन पे (Amazon Pay) च्या माध्यमातून करावी लागेल. अ‌ॅमेझॉन पेच्या माध्यमातून गॅस बुकिंग केल्यानंतर अ‌ॅमेझॉनतर्फे 50 रुपये खात्यात कॅशबॅक म्हणून परत पाठवले जातील. म्हणजेच या मार्गाने 14.2 किलोचा गॅस सिलिंडर खरेदी करताना 50 रुपयांची बचत केली जाऊ शकते.
