धुळे येथील विद्यार्थ्यांवर झालेल्या अमानुषपणे मारहाणीचा पाचोऱ्यात अमोल शिंदे यांच्या नेतृत्वात निषेध
पाचोरा (प्रतिनिधी) : धुळे शहरात पालकमंत्री अब्दुल सत्तार यांना लोकशाही मार्गाने निवेदन देण्यास गेलेल्या अखिल भारतीय विद्यार्थी परिषदेच्या कार्यकर्त्यांना पोलिसांकडून बेदम मारहाण करण्यात आल्याने भारतीय जनता पार्टी युवा मोर्चा पाचोरा शहर व तालुका तर्फे तीव्र निषेध करण्यात आला.
कोरोना विषाणू (कोविड – १९) च्या प्रादुर्भाव व त्यामुळे निमार्ण झालेल्या ताळेबंदी मुळे राज्यातील सर्व क्षेत्रावर दूरगामी परिणाम झाला आहे व त्याला शिक्षणक्षेत्र देखील अपवाद नाही मागील पाच महिन्याचा काळातील शासनाच्या चुकीच्या निर्णया मुळे विद्यार्थ्यांना अनेक समस्यांना सामोरे जावे लागत आहे. याबाबतीत तहसिलदार यांच्याकडे खालील मागण्या निवेदनाद्वारे मांडण्यात आल्या.
कोरोना महामारी मुळे अंतिम वर्ष वगळता इतर सर्व वर्षाच्या परीक्षा रद्द करण्यात आल्या परंतु विद्यार्थ्यांकडून या सत्राच्या परीक्षा शुल्क घेण्यात आले आहे तरी विद्यार्थ्यांना या सत्राचे परीक्षा शुल्क परत करण्यात यावे, शैक्षणिक वर्ष २०२० – २०२१ या वर्षाच्या शैक्षणिक शुल्कात ३० टक्के कपात करण्यात यावी, सरासरीच्या सूत्रामुळे चुकीच्या पद्धतीने लावण्यात आलेल्या निकालाचे पुर्नमूल्यांकन करण्यात यावे, नवीन शैक्षणिक प्रवेशाच्या वेळी विद्यार्थ्यांकडून एकूण शुक्लाच्या जास्तीत जास्त १५ टक्के शुल्क घेऊन प्रवेश देण्यात यावा, उर्वरित शैक्षणिक शुल्क चार टप्प्यात घेण्यात यावे, स्वायत्त (खाजगी) विद्यापीठाची शैक्षणिक शुल्काचा नियंत्रणासाठी राज्यस्तरीय शुल्क नियंत्रण समिती गठित करण्यात यावी. या मागण्यांचेही निवेदन यावेळी तहसीलदार यांना देण्यात आले.
याप्रसंगी तालुकाध्यक्ष मुकेश पाटील, शहरध्यक्ष समाधान पाटील, तालुका सरचिटणीस परेश पाटील, नितु पाटील, शहर सरचिटणीस योगेश ठाकूर, कुमार खेडकर, उपाध्यक्ष राहुल गायकवाड, विरेंद्र चौधरी, नितेश पाटील, अनिल पाटील, प्रवीण पाटील, योगेश चौधरी, लकी पाटील, हिंमत पाटील, रामा जठार, सचिन चौधरी, अवी पाटील, आकाश ठाकरे, अमोल नाथ, कुणाल मोरे, गिरीश बडगुजर, ओम जाधव, कुणाल बोराडे, उदय सूर्यवंशी विकी भोई, हेमंत पाटील आदी उपस्थित होते.
