जळगाव :- तापी पाटबंधारे विकास महामंडळाच्या वतीने भागपूर उपसा सिंचन योजना जिल्हा जळगाव टप्पा-2 अतंर्गत कामाचा भुमीपूजन समारंभ राज्याचे महसूलमंत्री तथा जळगाव जिल्ह्याचे पालकमंत्री ना. चंद्रकांत पाटील यांच्या हस्ते पहूर, ता. जामनेर, जिल्हा जळगाव येथे आज शुक्रवार सकाळी 11.00 वाजता होणार आहे.
कार्यक्रमाच्या अध्यक्षस्थानी राज्याचे जलसंपदा व वैद्यकीय शिक्षणमंत्री ना. गिरीष महाजन, विशेष अतिथी म्हणून राज्याचे सहकार राज्यमंत्री ना. गुलाबराव पाटील, जिल्हा परिषदेच्या अध्यक्षा उज्वलाताई पाटील, प्रमुख अतिथी म्हणून तर जळगावचे खासदार ए. टी. नाना पाटील, खासदार रक्षाताई खडसे, विधान परिषद सदस्य सुधीर तांबे, स्मिताताई वाघ, चंदूलाल पटेल, किशोर दराडे, विधानसभा सदस्य किशोर पाटील यांच्या विशेष उपस्थितीत होणार आहे. अशी माहिती इंजिनिअर आ. श्री. मोरे, अधिक्षक अभियंता, जळगाव पाटबंधारे प्रकल्प मंडळ, जळगाव यांनी एका प्रसिध्दी पत्रकान्वये दिली आहे.
