प्रेयसीची हत्या करून घरच्या भिंतीत पुरला मृतदेह; मृतदेह पाहून पोलीसही चक्रावले

0

पालघर : पालघरमध्ये एका तरुणाने प्रेयसीची हत्या करुन तिचा मृतदेह फ्लॅटच्या भिंतीत तीन महिने लपवून ठेवल्याची पालघरमध्ये धक्कादायक घटना घडली आहे. प्रेमविवाहासाठी घरातून निघून गेलेल्या एका बेपत्ता तरुणीचा शोध घेत असताना ही बाब उघड झाली आहे. वाणगावमधील वृंदावन या सदनिकेल्या एका फ्लॅटच्या भिंतीत तिचा मृतदेह कुजलेल्या अवस्थेत आढळून आला. हत्येच्या आरोपाखाली तरुणीच्या प्रियकराला पोलिसांनी ताब्यात घेतल्याचे सांगण्यात आले आहे.

 

चार महिन्यांपूर्वी उमरोळी येथील अमिता मोहिते ही तरुणी आपल्या प्रियकरासोबत प्रेमविवाह करण्यासाठी घरातून निघून गेली, मात्र ती परत न आल्याने तिच्या घरच्यांनी शोधाशोध सुरु केली. या चार महिन्याच्या काळात तरुणीचा प्रियकर तिचे सोशल मीडिया वापरत होता. तसेच व्हॉट्सअॅपद्वारे तो तरुणीच्या घरच्यांशी त्यांची मुलगीच असल्याचे भासवून संपर्कात होता. मात्र तरुणीच्या कुटुंबियांना संशय आल्याने त्यांनी बोईसर पोलीस ठाण्यात तक्रार दाखल केली.

 

या प्रकरणाच्या तपासादरम्यान प्रियकराने धक्कादायक कबुली दिली. तरुणीने लग्नाचा तगादा लावल्याने तिची हत्या केल्याचे प्रियकराने पोलिसांना सांगितले. धक्कादायक बाब म्हणजे फ्लॅटच्या भिंतीत तरुणीचा मृतदेह ठेऊन या तरुणाने स्वतः भिंतीवर बांधकाम केले. शिवाय तो याच फ्लॅटमध्ये चार महिन्यांपासून भाड्याने राहात होता. या प्रकरणी पोलिसांकडून सध्या अधिक तपास सुरु आहे.

Leave A Reply

Your email address will not be published.