जळगाव । बांभोरी येथील एसएसबीटी अभियांत्रिकी महाविद्यालयाच्या इंजिनिअरींगच्या दुसऱ्या वर्षाला शिक्षण घेणाऱ्या १९ वर्षीय तरूणीने राहत्या घरात ओढणीने गळफास घेवून आत्महत्या केल्याची घटना आज सकाळी उघडकीस आली. जान्हवी मिलिंद खडके (वय-१९, रा. हनुमान मंदीराजवळ अयोध्या नगर, जळगाव) असे या आत्महत्या केलेल्या तरुणीचे नाव आहे. आत्महत्या करण्याचे कारण अद्याप कळू शकले नसून एमआयडीसी पोलीस ठाण्यात अकस्मात मृत्यूची नोंद करण्यात आली आहे.
अधिक महिती अशी की, जान्हवी खडके ही बांभोरी येथील एसएसबीटी अभियांत्रिकी महाविद्यालयाच्या इंजिनिअरींगच्या दुसऱ्या वर्षाला शिक्षण घेत होती. तिने शुक्रवारी मध्यरात्री राहत्या घरात ओढणीने गळफास घेवून आत्महत्या केली. मुलीने आत्महत्या केल्याचे पाहून नातेवाईकांनी हंबरडा फोडला होता. आत्महत्या करण्या मागचे कारण अद्याप कळू शकले नाही. एमआयडीसी पोलीसांनी घटनास्थळी धाव घेवून पंचनामा केला. वडील हे किराणा दुकान चालवितात तर आई गृहिणी आहे. एकुलती एक मुलगीने आत्महत्या केल्याने परिसरात शोककळा पसरली होती. दरम्यान गुरूवारी रात्री उशीरापर्यंत जान्हवी आईवडीलांश चांगल्या गप्पा मारल्या होत्या. पश्चात वडील मिलींद, आई हर्षा, लहान भाऊ जतीन असा परिवार आहे.
एमआयडीसी पोलीस ठाण्याचे पोउनि रामकृष्ण पाटील, पोकॉ नरसिंग पाडवी, सचिन मुंडे यांनी घटनेचा पंचनामा केला. मृतदेह खाली उतरवून जिल्हा शासकीय रूग्णालयात दाखल केला. आत्महत्या केल्याचे वृत्त कळताच नातेवाईकांना जिल्हा शासकीय रूग्णालयात एकच गर्दी केली होती. शवविच्छेदन करून मृतदेह नातेवाईकांच्या ताब्यात देण्यात आला आहे. एमआयडीसी पोलीस ठाण्यात अकस्मात मृत्यूची नोंद करण्यात आली आहे. प्राथमिक तपास पोउनि रामकृष्ण पाटील करीत आहे.
