भुसावळ (प्रतिनिधी)- भुसावळ तालुक्यातील किन्ही शिवारात अवैधरित्या सुरु असलेल्या गावठी हातभट्टी दारू अड्ड्यावर तालुका पोलिसांनी २० जून रविवार रोजी अचानक धाड टाकून लाखों रूपयांची दारू व कच्चे रसायन नष्ट केले . पोलिस निरीक्षक रामकृष्ण कुंभार यांचे मार्गदर्शनाखाली ही कारवाई करण्यात आली .
किन्ही शिवारात नितीन चौधरी याच्या शेताजवळ नाल्यात सार्वजनिक जागी संशयित आरोपी अन्सार रशीद गवळी रा.कन्हाळा हा गावठी हातभट्टीची दारू गाळण्याचीे भटटी रचुन जळत्या चुलीवर हातभटटीची दारू गांंळतानां गूळ , मोह , नवसागर मिश्रित द्रव्य कच्चे व गरम रसायनचे 12 ड्रम त्यात 2300 लिटर रसायण व गावठी हटभट्टीची 60 लिटर तयार दारू असे ड्रम सह अंदाजे किंमत 91900 /- रु चे मालासह मिळुन आल्याने त्याचे विरुद्ध प्रोव्ही कायदा अन्वये कलम 65 फ, ब, क, ई प्रमाणे गुन्हा दाखल करण्यात आला आहे
सदरची कारवाई पोलीस निरीक्षक रामकृष्ण कुंभार ,सपोनि रुपाली चव्हाण, साफौ सुनील चौधरी , पोहेकाँ विठ्ठल फुसे, संदीप बडगे, गणेश राठोड , उमेश बारी ,होमगार्ड उमेश सोनवणे , अमोल जयकर , जगदीश पाटील , पोलीस पाटील रेवसिंग पाटील , राजेंद्र तायडे यांनी केली आहे.