पाचोरा | प्रतिनीधी
आखतवाडे तालुका पाचोरा येथील विवाहितेच्या माहेरहुण मोटरसायकल घेण्यासाठी पन्नास हजार रुपये आनावे या मागणीसाठी मारहाण करुन तीन मुलांसह घराबाहेर हाकलुन दिल्याने सोनवद ता. शहादा येथील पतीसह सासरच्या पाच जणांवर पाचोरा पोलिस ठाण्यात तक्रार दाखल करण्यात आली आहे. संशयीत आरोपींना लवकरच ताब्यात घेणार असल्याचे पाचोरा पोलिसांनी सांगितले आखतवाडे ता. पाचोरा येथील पितांबर उखर्डू कोळी यांची मुलगी कविता हीचा विवाह सन २००८ मधे सोनवद येथील गणेश सखाराम कोळी याचेशी झाला होता विवाह झाल्यानंतर सुमारे तीन चार वर्षे साररच्या मनळडीने चांगली वागणूक दिल्यानंतर गणेश कोळी याने मोटरसायकल घेण्यासाठी माहेरुन पन्नास हजार रुपये आणावे अशी मागणी करु लागला. तर सासू, सासरे, ननंद व जेठ टोचून बोलून शिवीगाळ करून पतीने अनेकदा मारहाण केली. गेल्या पाच वर्षांपूर्वी कविता सासरच्या मंडळीच्या जाचाला कंटाळून माहेरी निघून आल्या नंतर काही दिवसांनी पतीचे त्रास न देण्याचे प्रतीज्ञा पत्र लिहून घेतल्यानंतर वडीलांनी समज काढुन सासरी नांदायला पाठविले परंतू पुन्हा काहीच दिवसांत पैशाची मागणी करत जास्तच त्रास सुरू झाला इकडे वडील मोल मजूरी करून संसार चालवित असल्याने पैशाची मागणी पूर्ण करु शकले नाही यामुळे पती गणेश याने गेल्या दहा महिन्यांपासून दोन मुली व एक मुलासह घराबाहेर हाकलुन दिल्याने अखेर विवाहिता कविता गणेश कोळी हिने गणेश सखाराम कोळी (पती), सखाराम रामदास कोळी (सासरे), कल्पना सखाराम कोळी (सासु), गोरख सखाराम कोळी (जेठ), शितल संजय कोळी (ननंद) रा. सर्व सोनवद, तालुका शहादा यांचे विरुद्ध पाचोरा पोलिस ठाण्यात तक्रार दाखल करण्यात आली आहे. गुन्ह्याचा तपास पोलीस निरीक्षक अनिल शिंदे यांच्या मार्गदर्शनाखाली पोलिस हवालदार विनोद पाटील हे करीत आहेत.
