चाळीसगाव :-अक्षय तृतीयेच्या पार्श्वभूमीवर चाळीसगाव तालुक्यातील हातगाव येथे जन्ना मन्ना नावाचा जुगार खेळणाऱ्या 18 जुगारी ना काल चाळीसगाव ग्रामीण पोलिसांनी अटक करून त्यांच्या जवळील 34540 रोख रक्कम सह जुगार खेळण्याचे साहित्य जमा करून कार्यवाही केली.
याबाबत असे की चाळीसगाव ग्रामीण पोलिसांना माहिती मिळाली की हातगाव येथे जन्ना मन्ना नावाचा जुगाराचा डाव खेळला जात असल्याची गोपनीय माहिती मिळाल्यावर ग्रामीण पोलिस स्टेशनचे पोलीस उपनिरीक्षक जगदीश मुलगीर, पोलीस कॉन्स्टेबल संपत आहेर, पोलीस नाईक भूपेश वंजारी ,शांताराम पवार, निलेश पाटील ,बिभीषण सांगळे ,यांनी काल दुपारी तीन वाजता हातगाव येथे खेळला जात असलेला जन्ना मन्ना नावाच्या जुगारावर छापा मारून 18 जुगारी ना ताब्यात घेतले व त्यांच्याजवळील रोख रक्कम 34540 रुपये रोख व ५२ पत्त्यांचा कॅट असे जुगाराचे साहित्य ही जमा करण्यात आले.
