भडगाव, लोकशाही न्यूज नेटवर्क
सौ. रजनीताई नानासाहेब देशमुख कला, वाणिज्य व विज्ञान महाविद्यालयात जागतिक ज्येष्ठ नागरिक दिनानिमित्त ‘ज्येष्ठ नागरिक मेळावा’ आयोजित करण्यात आला होता. याप्रसंगी कार्यक्रमाच्या अध्यक्षस्थानी पाचोरा तालुका सहकारी शिक्षण संस्थेचे व्हाईस चेअरमन व्ही.टी. जोशी होते. संस्थेचे ज्येष्ठ संचालक नानासाहेब बबनराव देशमुख, दत्तात्रय पवार, प्राचार्य डॉ. एन. एन. गायकवाड, जनकल्याण ज्येष्ठ नागरिक संघाचे अध्यक्ष साहेबराव महाजन, माजी अध्यक्ष अनिल पवार, सौ.सु.गि. पाटील माध्यमिक विद्यालय व कनिष्ठ महाविद्यालयाचे माजी मुख्याध्यापक सुनील पाटील, डॉ. मधुकर सोनवणे, डॉ. सी. एन. पाटील यांची मंचावर उपस्थिती होती. महाविद्यालयाचा शारीरिक शिक्षण व क्रीडा विभाग तसेच जागृती मित्र मंडळ यांच्या संयुक्त विद्यमाने हा कार्यक्रम आयोजित करण्यात आला होता.
कार्यक्रमाला ज्येष्ठ नागरिक संघाचे सचिव चेंडूराम पवार, गणेश पूर्णपात्री, लताताई पाटील, अनिल पवार, मोतीलाल नरवाडे, अरुण पवार, ॲड. प्रकाश तिवारी, हिरे गुरुजी, दिलीप सहस्त्रबुद्धे, शरद तहसीलदार, एकनाथ केदार, मोरसिंग राठोड, शांताराम कोळी, गुलाबराव जाधव, जागृती मित्र मंडळाचे सुरेश भंडारी, योगेश शिंपी हे उपस्थित होते.
कार्यक्रमाचे स्वागतपर प्रास्ताविक प्राचार्य डॉ. एन.एन. गायकवाड यांनी केले. शारीरिक शिक्षण व क्रीडा संचालक डॉ. दिनेश तांदळे यांनी कार्यक्रमाच्या आयोजना मागील भूमिका मांडली. सूत्रसंचालन डॉ. दीपक मराठे यांनी केले तर डॉ. अतुल देशमुख यांनी उपस्थितांचे आभार मानले. महाविद्यालयातील सर्व प्राध्यापक, प्राध्यापकेतर कर्मचारी व माजी विद्यार्थी हे यावेळी उपस्थित होते.
