नवी दिल्ली । सोन्या-चांदीच्या किंमती सलग चौथ्या दिवशी खाली आल्या आहेत. रुपयाच्या मजबुतीमुळे स्थानिक बाजारपेठेतील सोन्याच्या किंमती बुधवारी कमी झाल्या. या घटानंतर सराफा बाजारात सोन्याच्या प्रति दहा ग्रॅमच्या किंमती 440 रुपयांनी खाली आल्या आहेत. सोन्याच्या तुलनेत चांदीच्या किंमतीही कमी नोंदवल्या गेल्या आहेत. आज एक किलो चांदीची किंमत 63,628 रुपयांवर आली.
सोन्याची नवीन किंमत
सलग चौथ्या दिवशी सोन्याच्या किंमती खाली आल्या आहेत. मंगळवारी सराफा बाजारात जूनच्या फ्युचर्समध्ये सोन्याचे 0.04 टक्क्यांनी घसरण झाली. त्यानंतर सोन्याची किंमत प्रति 10 ग्रॅम 47,445 रुपये होती. दुसरीकडे, आंतरराष्ट्रीय बाजारपेठेतील सोन्याच्या किंमतीबद्दल जर आपण बोललो तर स्पॉट सोन्याचे दर प्रति औंस 0.1% घसरून 1,777.93 डॉलरवर पोहोचले.
चांदीची नवीन किंमत
सोन्याच्या तुलनेत चांदीच्या किंमतीही खाली आल्या. घटत्या औद्योगिक मागणीमुळे एक किलो चांदीची किंमत 69,329 रुपयांवरून घसरून 68,623 रुपये झाली.
गुङरिटर्न्स वेबसाइटनुसार 22 कॅरेट सोन्याची किंमत
दिल्लीमध्ये ते प्रति 10 ग्रॅम 46,240 रुपये आहे.
चेन्नईमध्ये ती घसरून 44,690 रुपयांवर आली.
कोलकातामध्ये हा दर प्रति 10 ग्रॅम 47,430 रुपये आहे.
