नवी दिल्ली । सोन्या-चांदीच्या किंमतीत अजूनही चढउतार होत आहेत. सराफा बाजारात आज सोन्याच्या किंमतीत वाढ झाली आहे, तर चांदीही आज महागली आहे. गुरुवारी, मल्टी
कमोडिटी एक्सचेंज (MCX) वर सोन्याचे भाव 0.30 टक्क्यांनी वाढले आणि त्यानंतर जूनच्या वायदा सोन्याचे भाव प्रति 10 ग्रॅम 4674,7488 वर खाली आले. जर आपण चांदीबद्दल बोललो तर तेही आज महाग झाले आहे. चांदी 0.20 टक्क्यांनी वाढून 67,775 रुपये किलो झाली.
सोन्याचे नवीन दर
सराफा बाजारात आज प्रति 10 ग्रॅम सोन्याचे भाव 0.30 टक्क्यांनी वाढून 46,748 रुपये झाले. आंतरराष्ट्रीय बाजारात आज स्पॉट सोन्याचे भाव 0.2 टक्क्यांनी वधारून 1,738.96 डॉलर प्रति औंस झाले.
चांदीचे नवीन दर
एचडीएफसी सिक्युरिटीजने दिलेल्या माहितीनुसार सराफा बाजारात चांदी 0.20 टक्क्यांनी वाढून 67,775 रुपये प्रति किलो झाली. आंतरराष्ट्रीय बाजारात चांदीचा भाव प्रति औंस 0.5% टक्क्यांनी वाढून 25.53 डॉलर झाला. अन्य मौल्यवान धातूंपैकी प्लॅटिनम 0.5% ने वाढून 1,176 डॉलर झाला.
दरम्यान, 1 जून 2021 पासून विना हॉलमार्कचे सोन्याचे दागिने विकता येणार नाहीत. गेल्या महिन्यातच याबाबत ब्युरो ऑफ इंडियन स्टँडर्ड अर्थात BIS यांनी याबाबतचं नोटिफिकेशन जारी केलं होतं. सोन्याची शुद्धता आता तीन ग्रेडमध्ये होणार आहे. पहिला म्हणजे 22 कॅरेट, दुसरा 18 कॅरेट आणि तिसरा 14 कॅरेट असे हे ग्रेड असतील.
भारत दरवर्षी 700-800 टन सोने आयात करतं. ज्वेलरी हॉलमार्कच्या प्रक्रियेत ज्वेलर्स BIS च्या A & H सेंटरवर ज्वेलरी जमा करतात. तिथे त्याची गुणवत्ता तपासली जाते. त्यानुसार मार्किंग केलं जातं
