रावेर (प्रतिनीधी) : उचंदा परिसरात सक्षम अशी एखादी पाणीपुरवठा योजना असावी अशी मागणी अनेक वर्षांपासून होती. आ.चंद्रकांतभाऊ पाटील यानी सदरील योजना हाती घेवून सतत पाठपुरावा करीत 2020-2021 च्या आराखड्यात प्रशासनाच्या मदतीने मंजुरीसाठी शासनाकडे सादर केलेली आहे. या सात गावांच्या सामुहिक पाणीपुरवठा योजनेला गती मिळावी यासाठी पाणीपुरवठा विभागाच्या अधिकार्यां सोबत आ.चंद्रकांतभाऊ पाटील यांनी आज 23 रोजी उचंदा व शेमळदे शिवारातील जागेचे स्थळ निरीक्षण करुन पहाणी केली. या योजनेत नदीमध्ये एक आवक विहीर, जॅकवेल, पंपींग मशीन, अशुद्ध पाणी उध्दरण नलिका,शुध्द पाणीपुरवठा करणारी जलवाहिनी, जलशुध्दीकरण केंद्र, प्रत्येक गावासाठी पाण्याची टाकी, अशी ही योजना असणार आहे. या योजनेमुळे उचंदा, पुर्णाड, मुंढोदे, शेमळदे, मुंढोळदे, मेळसांगवे, पंचाणे या सातही गावांना 100% नवीन नळ कनेक्शन मिळणार असून या सातही गावांना शुध्द पाणीपुरवठा होणार आहे. या योजनेसाठी अंदाजीत 36 कोटी रुपये एवढा निधी अपेक्षीत आहे असून अंदाजे 10 की.मी.ची संपुर्ण प्रकल्पलाईन असणार आहे.
या स्थळ निरीक्षण व पहाणी स्थळी पाणीपुरवठा विभागाचे शाखा अभियंता त्र्यंबक गाजरे, उप अभियंता हर्ष बोहरे, दिलीप पाटील सर, उचंदा येथील सरपंच शेषराव पाटील, बाळू पाटील, रतिराम पाटील, संदिप पाटील, जगन्नाथ पाटील, भगवानदादा कोळी, साहेबराव शिंगतकर, शेमळदे येथील सरपंच विनोद पाटील, वीरेंद्र भोईटे, ब्रिजलाल मराठे, दिपक पवार, स्विय सहाय्यक संतोष कोळी यांची उपस्थिती होती.
