शेतात वेल्डींगचे काम करतांना शॉक लागून तरुणाचा मृत्यू
जळगाव : नेरी-हिंगणे येथील एका शेतात वेल्डींगचे काम करत असताना अचानक विजेचा जोरदार शॉक लागून प्रदीप दरबार चव्हाण (वय २३, रा. धानवड तांडा) या तरुणाचा जागीच मृत्यू झाला. ही घटना बुधवारी दुपारी घडली.
याप्रकरणी पोलिसात अकस्मात मृत्यूची नोंद करण्यात आली आहे. धानवड तांडा येथील प्रदीप चव्हाण हा बुधवारी दुपारी नेरी-हिंगणे येथील एका शेतात वेल्डींगचे काम करत होता. अचानक त्याला वीजेचा जोरदार धक्का बसला. यात त्याचा जागीच मृत्यू झाला. ही
घटना शेत मालकाच्या लक्षात येताच, त्यांनी जिल्हा रूग्णालयात चव्हाण याला हलविले. वैद्यकीय अधिकाऱ्यांनी तपासणीअंती त्याला मृत घोषित केले. रात्री नातेवाईकांची जिल्हा रूग्णालयात एकच गर्दी झाली होती.
