जळगाव :- शिवसेनेतर्फे आज जयश्री महाजन आणि भाजपचे बंडखोर कुलभूषण पाटील यांनी आपला महापौर आणि उपमहापौर पदाचा अर्ज भरला.
गेल्या काही दिवसांपासून अनेक राजकीय घडामोडी पाहायला मिळाले आहे. उद्या १८ मार्च ला महापौर आणि उपमहापौर पदासाठी निवडणूक होणार आहे. याच पार्श्वभूमीवर आज महापौरपदासाठी जयश्री सुनील महाजन तर उपमहापौरपदासाठी कुलभूषण पाटील यांनी आपापले उमेदवारी अर्ज दाखल केले.
याप्रसंगी दोन्ही उमेदवारांसह शिवसेना जिल्हाप्रमुख आमदार चंद्रकांत पाटील, जिल्हाप्रमुख गुलाबराव वाघ, माजी महापौर नितीन लढ्ढा, माजी महापौर विष्णू भंगाळे, माजी महापौर ललीत कोल्हे, शिवसेनेचे महानगराध्यक्ष शरद तायडे, माजी महापौर राखी सोनवणे, अनंत जोशी, नितीन बरडे, अमर जैन, विराज कावडिया आदींची उपस्थिती होती.
