बोदवड | प्रतिनिधी
कोरोना विषाणूचा वाढता प्रादुर्भाव रोखण्यासाठी प्रशासकिय यंत्रणा सज्ज झाली आहे.शाळा,महाविद्यालये,शासकिय कार्यालय,यांच्यापाठोपाठ आता धार्मिक स्थळांवरही बंदीचे सावट आले आहे. याच पार्श्वभूमीवर बोदवड तालुक्यातील सुप्रसिद्ध व जागृत धार्मिक स्थळ म्हणून ओळखले जाणारे शिरसाळा मारोती येथे दर्शनासाठी हजारोंच्या संख्येत भाविक दर्शनासाठी येत असतात.कोरोनाचा प्रसार रोखण्यासाठी जिल्हाधिका-यांनी सर्वच गर्दीच्या ठिकाणे बंद ठेवण्याचे आदेश दिले असल्याने या पार्श्वभुमीवर शिरसाळा मारोती मंदिर ट्रस्टला शासकिय पत्र प्राप्त झाल्यानंतर येत्या ३१ मार्चपर्यंत हे देवस्थान बंद ठेवण्याचा निर्णय ट्रस्टच्या वतीने घेण्यात आला.आपण सद्ध्या कोरोनाच्या फेज २ मध्ये आहोत.फेज २ मधून फेज ३ मध्ये जाऊच नये यासाठी प्रयत्न सुरु असून त्यासाठी आवश्यक ती खबरदारी व उपाययोजना सरकार करीत आहे.
