Wednesday, February 1, 2023

विवाहितेचा विनयभंग; एकावर गुन्हा दाखल

- Advertisement -

जळगाव, लोकशाही न्यूज नेटवर्क 

जळगाव शहरातील पिंप्राळा भागात राहणाऱ्या ३० वर्षीय विवाहितेचा पाठलाग करून एकाने विनयभंग केल्याची प्रकार उघडकीस आला आहे. याप्रकरणी रामानंद नगर पोलीस ठाण्यात एकावर गुन्हा दाखल करण्यात आला आहे.

पिंप्राळा भागात ३० वर्षीय विवाहिता आपल्या पतीसह वास्तव्याला आहे. सोमवारी १५ नोव्हेंबर रोजी सकाळी ८ वाजेच्या सुमारास विवाहिता ह्या पती व मुलासह दुचाकीने दवाखान्यात जात असतांना नुर मोहम्मद लतीफ (वय ४०, रा. जळगाव) हा दुचाकीचा पाठलाग केला. त्यानंतर त्यांच्या दुचाकीसमोर त्याची दुचाकी लावून त्यांना थांबविले. विवाहितेला माझ्याशी लग्न कर नाही तर तुझे घर किंवा पैसे दे असे सांगितले. याला नकार दिल्याने महिलेला लज्जा उत्पन्न होईल असे कृत्य करून विनयभंग केला आणि जीवे ठार मारण्याची धमकी दिली.

- Advertisement -

याप्रकरणी विवाहितेच्या फिर्यादीवरून रामानंद नगर पोलीस ठाण्यात संशयित आरोपी नुर मोहम्मत लतीफ याच्या विरोधात गुन्हा दाखल करण्यात आला आहे. पुढील तपास पोहेकॉ सतिष डोलारे करीत आहे.

 

 

spot_imgspot_img

हे वाचायलाच हवे