जळगाव | प्रतिनिधी
विधानसभा सार्वत्रिक निवडणूक-2019 चे मतदान आणि मतमोजणी प्रक्रिया पारदर्शक व शांततेत पार पडण्यासाठी निवडणूक निरीक्षक रूपक मुजूमदार, गौरव बोथरा, पुनित गोयल, जिल्हा निवडणूक अधिकारी तथा जिल्हाधिकारी डॉ.अविनाश ढाकणे यांच्या प्रमुख उपस्थितीत सुक्ष्म निरीक्षकांचे प्रशिक्षण पार पडले.
प्रशिक्षणात निवडणूक सूक्ष्म निरीक्षकांसाठी मतदान आणि मतमोजणी प्रक्रिया सुरळीत पार पडण्यासाठी त्यामध्ये येणार्या अडी-अडचणींचे निराकरण, मॉकपोल पद्धती, सूक्ष्म निरीक्षक आणि इतर अधिकार्यांचे आप-आपसातील समन्वय, मतदारांना मतदान करण्यासाठी आवश्यक मार्गदर्शन व सहकार्य आदी बाबींचे मार्गदर्शन करण्यात आले.
मतमोजणी केंद्राची मांडणी व नियुक्त अधिकारी, कर्मचार्यांच्या जबाबदार्या अशा अनेक विषयांवर संगणकीय सादरीकरणाद्वारे सविस्तर मार्गदर्शन उपजिल्हा निवडणूक अधिकारी तुकाराम हुलवळे यांनी केले.
या प्रशिक्षणास उप जिल्हा निवडणूक अधिकारी तुकाराम हुलवळे, निवडणूक तहसीलदार बाबासाहेब गाढवे, श्री.कुलकर्णी, निवडणूक नायब तहसीलदार कळसकर, समदाणे यांच्यासह निवडणूक कामी नियुक्त अधिकारी, कर्मचारी उपस्थित होते.
