जळगाव– जिल्हा परिषदेत सुरु केलेला माजी मुख्यमंत्री स्व.वसंतराव नाईक कक्ष हा दुसºया दिवशीच बंद आढळला. शासनाकडून आलेल्या सूचनेनुसार जिल्हा परिषदेने सदस्यांना बसण्यासाठी हा कक्ष स्थापन केला आहे. या कक्षाचे उद्घाटन बुधवारी झाले मात्र दुसºया दिवशीही हा कक्ष दुपारी बंध आढळला. यामुळे हा कक्ष केवळ नावापुरता करण्यात सुरु करण्यात आला का ? असा सवालही व्यक्त होत आहे.
राज्यातील सर्व जिल्हा परिषदेला माजी मुख्यमंत्री स्व.वसंतराव नाईक यांच्या नावाचे एक सभागृह असावे अशी सुचना शासनाकडून देण्यात आली आहे. दरम्यान जळगाव जिल्हा परिषदेने सदस्यांना बसण्यासाठी एक कक्ष स्थापन केले असून या कक्षाला स्व.वसंतराव नाईक यांचे नाव दिले आहे. याकक्षाचे उद्घाटन बुधवारी 4 रोजी ठेवण्यात आले होते. त्यासाठी फीत वगैरे लावण्यात आलेली होती. मात्र सत्ताधारी पक्षातील पदाधिकार्यांनी या उद्घाटनाकडे पाठ फिरविल्याने अखेर विरोधकांनी याकक्षाचे उद्घाटन केले. राष्ट्रवादी कॉग्रेसचे गटनेते शशिकांत साळुंखे, शिवसेनेचे गटनेते रावसाहेब पाटील, जि.प.सदस्य प्रताप पाटील, नानाभाऊ महाजन यांनी याकक्षाचे उद्घाटन केले.
