वरणगावला टेन्ट चालकाची गळफास घेऊन आत्महत्या
वरणगाव प्रतिनिधी
शहरातील मकरंद नगर मधील एका टेन्ट संचालकाने राहत्या घरात गळफास लावून आत्महत्या केल्याचे मंगळवार दि ११ रोजी रात्री दहा वाजेच्या सुमारास उघडकीस आली असुन आत्महत्याचे नेमके कारण मात्र समजू शकले नाही
या बाबत पोलीसानी दिलेल्या माहितीनुसार असे की शहरातील मकरंद नगर मधील रहिवाशी असलेले सुधीर लीलाधर पाटील ( ५२ ) यांनी दि ११ मंगळवार रोजीच्या रात्री अंदाजे दहा वाजेच्या नंतर त्यांच्या राहत्या घरात छताच्या हुकाला दोर बांधून गळ्याला गळफास लावून आत्महत्या केली असून त्यांच्या आत्महत्येच नेमका कारण समजू शकले नाही.
या बाबत सतीश लीलाधर पाटील यांचा खबरी वरून वरणगाव पोलीस स्टेशनला अकस्मत मृत्यूची नोंद करण्यात आली असून घटनेचा पुढील तपास पो हे कॉ एस टी सपकाळ हे करीत आहे
