भुसावळ (प्रतिनिधी) : शहरामध्ये अमृत योजनेच्या जलवाहिन्या टाकण्यासाठी संपूर्ण रस्त्यांची वाट लागली आहे रस्त्यात खड्डे की खड्ड्यात रस्ते हे समजणे पलीकडचे गणित व सातत्याने सुरू असलेल्या पावसामुळे रस्त्याची अजूनच नाचक्की झाली आहे, अशातच राष्ट्रवादी काँग्रेसचे शहराध्यक्ष नितीन धांडे यांनी पदरमोड करून ३५ ट्रॅक्टर द्वारे मुख्य रस्त्यासह प्रभाग १८ मधील खड्ड्यांमध्ये मुरूम टाकून रस्त्यांना मुलामा दिला आहे.
शहरांमध्ये रस्त्याची अत्यंत बिकट परिस्थिती झाली आहे कधी खड्ड्यांमध्ये नावे टाकून आंदोलन करण्यात येते तर कधी खड्ड्यांमुळे वेदनाशामक बाम देऊन पालिकेचे लक्ष वेधण्यात येते अशातच प्रभाग १८ मध्ये सततच्या पावसामुळे रस्त्याची नाचक्की झाल्यामुळे राष्ट्रवादी काँग्रेसचे शहराध्यक्ष नितीन धांडे यांनी पदरमोड करून तब्बल ३५ ट्रॅक्टर मुरमा द्वारे खड्ड्यांना मुलामा देण्याचा काम सुरू केले आहे, यामध्ये मुख्य जामनेर रस्ता, अष्टपुर मंदिर समोरचा काही भाग, सदानंद डेरी समोरचा काही भाग ,जुना तालुका पोलिस स्टेशनसमोर ,गंगाराम प्लॉट, पोस्ट ऑफिस ,राठोड बिल्डिंग, श्रीराम गणेश मंडळ तसेच मित्र गणेश मंडळ या ठिकाणी मुरूम टाकण्याचे कार्य सुरू आहे.
अमृत योजनेचे काम होइस्तव शहरातील रस्ते पक्के करता येणार नाही असे शासनाचे निर्देश असल्याचे सांगण्यात येते मात्र सद्यस्थितीचे रस्ते अत्यंत खराब व वेदनादायक असून सकाळपासून संध्याकाळपर्यंत शहरामध्ये फेरफटका मारल्यास नक्कीच कुठे ना कुठे खड्ड्यांमध्ये पाय गेल्याशिवाय राहत नाही अशातच पाठीचे, मणक्याचे व्याधी नागरिकांना जळत आहे ,हा काही नाविन्यपूर्ण विषय राहिलेला नाही यातच गेल्या पंधरा दिवसांपासून सातत्याने पावसाने रस्त्यांची अजूनच बिकट परिस्थिती केली आहे किमान आपल्या प्रभागात तरी लोकांना खड्ड्याचा सामना करावा लागणार नाही या उद्देशाने धांडे यांनी यांनी मुरूम टाकून खड्डे बुजविण्याचे कार्य हाती घेतले आहे पालिका प्रशासनाने अमृत योजना पूर्ण होईल तो रस्ते न करण्याचे आदेशाचे पालन करावे मात्र तात्पुरत्या स्वरूपात लोकांना दिलासा मिळेल अशा पद्धतीने तरी रस्त्याची डागडुजी मुरूम टाकून मार्ग काढावा व नागरिकांना दिलासा द्यावा अशी अपेक्षा व्यक्त करण्यात येत आहे.
