रिझर्व्ह बॅंकेकडून देशातील आघाडीच्या ३० कर्जबुडव्यांची यादी जाहीर ! पहा कोणकोण आहेत…
नवी दिल्ली : भारतीय रिझर्व्ह बॅंकेने देशातील आघाडीच्या सहेतुक कर्जबुडव्यांची यादी जाहीर केली आहे. चार वर्षांपूर्वी सर्वोच्च न्यायालयाने रिझर्व्ह बॅंकेला सहेतूक कर्जबुडव्यांची नावे जाहीर करण्याचे आदेश दिले होते. दरम्यान, माहितीच्या अधिकारात विचारण्यात आलेल्या प्रश्‍नाचे उत्तर देताना बॅंकेने सहेतूक कर्जबुडव्यांची नावे जाहीर केली आहेत. “द वायर’ने माहिती अधिकारांतर्गत मे महिन्यात या संदर्भात प्रश्‍न विचारला होता.
हे आहेत “विलफुल डिफॉल्टर्स…कर्जदाराचे नाव (थकित रक्कम रु.)
गीतांजली जेम्स (5044 कोटी), आरआयई ऍग्रो लिमिटेड (4197 कोटी) विन्सम डायमंड्‌स (3386 कोटी), रुची सोया 3225 कोटी), रोटोमॅक ग्लोबल (2844 कोटी), किंगफिशर एअरलाइन्स (2488 कोटी), कुडोस कॅमी लि. (2326 कोटी), झूम डेव्हलपर्स (2024 कोटी), डेक्कन क्रॉनिकल होल्डिंग्ज (1951कोटी), एबीजी शिपयार्ड (1875 कोटी), फॉरेव्हर प्रीशियस ज्वेलरी (1718 कोटी), सूर्या विनायक इंडस्ट्रीज (1628 कोटी), एस कुमार्स लिमिटेड (1581 कोटी), गिली इंडिया लिमिटेड (1447 कोटी), सिद्धीविनायक लॉजिस्टिक्‍स (1349 कोटी), गुप्ता कोल इंडिया (1349 कोटी), व्हीएमसी सिस्टीम्स (1314 कोटी), नक्षत्र ब्रॅण्ड्‌स (1314 कोटी), इंडियन टेक्‍नोमॅक (1091 कोटी), श्री गणेश ज्वेलरी (1085 कोटी), जैन इन्फ्राप्रोजेक्‍ट्‌स (1076 कोटी), सूर्या फार्मास्युटिकल्स (1065 कोटी), नाकोडा लिमिटेड (1028 कोटी), केएस ऑइल लिमिटेड (1026 कोटी), कोस्टल प्रोजेक्‍ट्‌स (984 कोटी), हनूग टॉइज (949 कोटी), फर्स्ट लीजिंग कंपनी (929 कोटी), कॉनकास्ट स्टील (888 कोटी), ऍक्‍शन इस्पात (888 कोटी), डायमंड पॉवर (869 कोटी).
रिझर्व्ह बॅंकेने जाहीर केलेल्या 30 सहेतुक कर्जबुडव्यांनी मिळून विविध वित्तीय संस्थांना 50 हजार कोटी रुपयांचा चुना लावला आहे. या यादीमध्ये देशाबाहेर पळून जाण्यात यशस्वी ठरलेला गीतांजली जेम्सचा सर्वेसर्वा मेहुल चोक्‍सी अव्वलस्थानी आहे. गीतांजली जेम्सने विविध वित्तीय संस्थांचे 5044 कोटी रुपये बुडवले आहेत.
