राष्ट्रीय छात्र कॅडेटसने प्लॉगिंग द्वारा महात्मा गांधी जयंती साजरी

0

फैजपूर |  प्रतिनिधी 

येथील तापी परिसर विद्या मंडळ संचलित धनाजी नाना महाविद्यालयाच्या राष्ट्रीय छात्र सेनेच्या कॅडेट्स ने स्वीडन देशात विकसित प्लॉगिंग ज्यामध्ये हळूहळू धावताना आजूबाजूचा कचरा वेचून शरीर स्वास्थ्य सोबतच परिसर स्वच्छता करणारी नावीन्यपूर्ण संकल्पना राष्ट्रपिता महात्मा गांधी यांच्या जयंतीनिमित्त आपापल्या परिसरात यशस्वीपणे राबवली. यासंबंधी डी जी, एन सी सी, दिल्ली यांच्या आदेशान्वये धनाजी नाना महाविद्यालयाचे प्राचार्य डॉ पी आर चौधरी व 18 महाराष्ट्र बटालियन एनसीसी जळगावचे समादेशक अधिकारी कर्नल प्रवीण धीमन यांच्या मार्गदर्शनाखाली महाविद्यालयाच्या एनसीसी युनिट चे अधिकारी लेफ्टनंट डॉ राजेंद्र राजपूत यांच्यासोबत 35 कॅडेटसनी प्लॉगिंग मध्ये सक्रिय सहभाग घेतला.   कडेट्स ने कोरोना  संसर्गापासून स्वतःचा बचाव करीत सोशल डिस्टिंग शन चा पुरेपुर पालन करीत साधारण दोन किलो मीटर रन करून वाटेतील कचरा वेचून परिसर  स्वच्छ केला आणि संबंधित व्हिडीओ सोशल मीडिया जसे  व्हॅटसअप, फेसबुक, ट्विटर, इन्स्ट्राग्राम आदी च्या माध्यमातून जनमाणसापर्यंत पोहोचवले. सर्वत्र राष्ट्रपिता महात्मा गांधी व भारताचे द्वितीय पंतप्रधान लाल बहादूर शास्त्री यांची जयंती विविध स्वरूपात साजरी होत असतानाच राष्ट्रीय छात्र सेनेच्या माध्यमातून एका अभिनव संकल्पनेच्या माध्यमातून या महापुरुषांना नम्र आदरांजली वाहण्यात आली. महापुरुषांचे आचार, विचार आणि संस्कार पुढील पिढीमध्ये रुजविण्याच्या उद्देशाने समाज उपयोगी व पर्यावरण पूरक उपक्रमांच्या माध्यमातून धनाजी नाना महाविद्यालया कडेट्स नी एक आदर्शवत उदाहरण सर्वांसमोर उभे केले याचे परिसरात सर्वत्र कौतुक होत आहे.

Leave A Reply

Your email address will not be published.