राशन धान्य घेण्यासाठी सीमांचे उल्लंघन ; गुन्हा दाखल

पारोळा (प्रतिनिधी) :  शहर येथील रेशन दुकान क्रमांक ७३, मडके मारुती चौक यांचे रेशन लाभार्थी असलेले शेख यासीन शेख उस्मान मोमीन( बडा मोहल्हा ,पारोळा , हल्लीं मुक्काम मालेगाव) हे रेशनचे धान्य घेण्यासाठी  २१ रोजी दुपारी ४ वाजेच्या दरम्यान आले. सदर व्यक्तीने जिल्हा बंदी आदेशाचे उल्लंघन केल्याचे दिसून येत असल्याने तहसीलदार पारोळा यांचे आदेशावरून शहर तलाठी निशिकांत पाटील यांनी पारोळा पोलीस स्टेशन येथे फिर्याद दखल केली आहे.सदर व्यक्तीच्या संपर्कातील लोकांची ग्रामीण रुग्णालय पारोळाने आरोग्य तपासणी केली असून  पारोळा पारोळा नगरपालिका प्रशासनाने परिसर निर्जंतुक केला आहे…परिस्थितीवर प्रशासन लक्ष ठेऊन आहे. नागरिकांनी संचारबंदी व जिल्हा बंदी आदेशांचे काटेकोरपणे पालन करावे , अन्यथा कायदेशीर कारवाईस सामोरे जावे लागेल.