नवी दिल्ली: सर्वोच्च न्यायालयाचे माजी सरन्यायाधीश रंजन गोगोई यांनी आज गुरुवारी राज्यसभेचे सदस्य म्हणून शपथ घेतली. या वेळी विरोधी पक्षांनी गदारोळ करत सभात्याग केला.
माजी सरन्यायाधीश रंजन गोगोई गुरुवारी शपथ घेण्यासाठी नियुक्त केलेल्या ठिकाणी दाखल होताच विरोधी खासदारांनी जोरदार घोषणाबाजी सुरू केली. गोंधळातच गोगोई यांनी सभागृह सदस्य म्हणून शपथ घेतली. गोगोई यांच्या शपथविधी दरम्यान काँग्रेसचे खासदार निेषेध नोंदवत सभागृहातून बाहेर पडले. राज्यसभेचे अध्यक्ष व्यंकय्या नायडू यांनी विरोधी पक्षातील खासदारांच्या या वर्तनाबाबत नाराजी व्यक्त केली.
