मुक्ताईनगर : श्रीसंत मुक्ताबाई योगराज चांगदेव महाराज माघवारी महाशिवरात्री यात्रा कोरोनाचे वाढत्या संसर्गाचे पाश्र्वभूमीवर आज तहसीलदार मुक्ताईनगर यांनी आयोजीत केलेल्या यात्रा पुर्व आढावा बैठकीत यंदाचा यात्रौत्सव रद्द करण्यात येत असल्याचे सांगीतले.
दरवर्षीप्रमाणे आदिशक्ती मुक्ताबाई व योगराज चांगदेव महाराज या गुरूशिष्य भेटीच्या निमित्त माघ कृष्ण दशमी ते महाशिवरात्र पर्यंत भव्यदिव्य यात्रौत्सव साजरा होतो. राज्यभरातील शेकडो दिंड्यासह लाखावर वारकरी भाविक या वारीत सहभागी होतात. गेल्या वर्षभरापासून कोरोना संकटामुळे अनेक उत्सव साजरे करताना शासनाने निर्बंध घातले आहे.
यावर्षी 8 ते 12 मार्च 2021 पर्यत येत आहे नेमका याच कोरोनाचा प्रादुर्भाव जास्त वाढत असल्याने लाकडाऊन नव्याने करण्याचे संकेत आहे. विशेषतः विदर्भातील भाविक जास्त प्रमाणात वारीत सहभागी होतात व तिकडे कोरानाचे संकट वाढले असल्याने खबरदारी म्हणून यंदाचा चांगदेव- मुक्ताबाई यात्रौत्सव रद्द करून प्रातिनिधिक स्वरूपात साजरा करण्याची सुचना मंगळवारी संत मुक्ताबाई ,चांगदेव संस्थानाचे विश्वस्त, व्यवस्थापक, विविध विभागांतील अधिकारी कर्मचारी यांच्या तहसील दालनात बोलावलेल्या यात्रौत्सव पुर्व आढावा बैठकीत नायब तहसीलदार प्रदिप झांबरे यांनी दिली.
