Thursday, February 2, 2023

मोठी बातमी : फरार घोषित केलेले परमबीर सिंह मुंबईत दाखल

- Advertisement -

मुंबई, लोकशाही न्यूज नेटवर्क

गेल्या काही महिन्यांपासून फरार असलेले मुंबईचे माजी पोलीस आयुक्त परमबीर सिंह अखेर मुंबईत दाखल झाले आहेत. “सर्वोच्च न्यायालयाच्या  आदेशानुसार, तपासात सहकार्य करण्यासाठी आलो आहे. मला जे काही म्हणायचय ते कोर्टात म्हणेन” असे परमबीर सिंह यांनी सांगितले.

महाराष्ट्राच्या राजकारणात काही महिन्यांपूर्वी खळबळ उडवून देणारे मुंबईचे माजी पोलीस आयुक्त परमबीर सिंह कुठे आहेत? अशी चर्चा सुरु होती. मुंबईचे माजी पोलीस आयुक्त परमबीर सिंह चंदीगडमध्ये होते. त्यांच्या विरोधात जे गुन्हे दाखल झालेत, त्याच्या तपासामध्ये ते सहकार्य करतील. स्वत: परमबीर सिंह यांनी ही माहिती दिली.

- Advertisement -

मुंबई आणि ठाण्यात परमबीर सिंह यांच्याविरोधात एकूण पाच गुन्हे दाखल झाले आहेत. परमबीर सिंह कुठे भारताबाहेर गेले नसून, ते देशातच आहेत. त्यांच्या वकिलांनी दोन दिवसांपूर्वी सुप्रीम कोर्टात माहिती दिली होती. ४८ तासात सीबीआयसमोर हजर होण्यास तयार आहेत असे त्यांनी सुप्रीम कोर्टात सांगितले होते. सुप्रीम कोर्टाने त्यांना दिलासा दिला आहे. अटकेपासून संरक्षण दिले आहे.

 

spot_imgspot_img

हे वाचायलाच हवे