जुन्नर: मॉर्निंग वॉकला गेलेल्या तीन महिलांना अज्ञात वाहनाने चिरडल्याची घटना घडली आहे. ही घटना आज पहाटे ६ वाजता नगर-कल्याण महामार्गावरील उदापूर येथे घडली. अपघातात एकाच घरातील दोन महिलांचा मृत्यू झाला आहे.
नगर-कल्याण महामार्गावरील उदापूर येथे मीराबाई ढमाले, कमलाबाई महादू ढमाले आणि सगुणाबाई बबन गायकर या नेहमीप्रमाणे मॉर्निंग वॉकला गेल्या होत्या. त्यावेळी पाठीमागून आलेल्या अज्ञात वाहनाने या तिन्ही महिलांना जोरदार धडक दिली. त्यात या तिघी जागीच ठार झाल्या. या अपघातानंतर चालक फरार झाला आहे. या अपघाताप्रकरणी पोलीस अधिक तपास करत आहेत.
