जळगाव : राष्ट्रवादीचे ज्येष्ठ एकनाथ खडसे यांच्या दूरध्वनीवरील संभाषणाची एक ऑडिओ क्लीप सध्या व्हायरल झाली आहे. यात खडसेंनी भाजपा आमदार गिरीश महाजन यांच्यावर निशाणा साधल्याचं ऐकायला मिळत आहेत. या ऑडिओ क्लीपवरून गिरीश महाजनांनी एकनाथ खडसेंचे मानसिक संतुलन बिघडल्याची टीका केली होती. आता महाजन यांच्या टीकेला खडसे यांनी प्रत्त्युत्तर दिल आहे.
मी मुख्यमंत्री पदाच्या शर्यतीत होतोच, मीच मुख्यमंत्री होणार होतो. पण मला डावलून दुसऱ्याला मुख्यमंत्री बनवलं हे अख्ख्या महाराष्ट्राला माहिती आहे. ‘मेहनत करे मुर्गा और अंडा खाए फकीर’ यातला हा प्रकार आहे, अशा शब्दात खडसे यांनी आ. महाजनांच्या टीकेला उत्तर दिल आहे. त्यामुळे आता एकनाथ खडसेंच्या टीकेला भाजपा नेते काय उत्तर देतात हे पाहणं गरजेचे आहे.
त्याचसोबत गिरीश महाजन यांच्या मतदारसंघातील लोकांनी गेल्या महिनाभरापासून माझ्याकडे तक्रार केली. पिण्याचं पाणी नाही, हॉस्पिटलमध्ये बेड्स उपलब्ध होत नाही. आपली जबाबदारी सोडून तीन तीन आठवडे पश्चिम बंगालमध्ये प्रचार करायला जाणं कितपत योग्य आहे का? माझं संतुलन बिघडलं असं म्हणतात, मी ठणठणीत आहे खात्री करायची असेल तर येऊन बघावं. मला सगळं माहिती आहे. १९९४ च्या फर्दापूरच्या भानगडीपासून सगळं माहिती आहे. मी वैयक्तिक कमेंट केली नाही. मतदारसंघातील लोकांचा संताप आहे असा इशाराही एकनाथ खडसेंनी गिरीश महाजनांना दिला आहे.
दरम्यानं यावेळी त्यांनी माजी मुख्यमंत्री देवेंद्र फडणवीस यांच्यावर देखील बल्लाबोल केला आहे. सत्ता गेल्यापासून देवेंद्र फडणवीस हे माशासारखे तडफडत आहेत. ते ब्राह्मण असले तरी त्यांची सरकार पडणार असल्याची भाकिते खरे ठरतं नसल्याची घणाघाती टीका राष्ट्रवादीचे नेते एकनाथ खडसे यांनी काही दिवसांपूर्वी केली होती. देवेंद्र फडणवीसांना, सत्ता कधी येईल यासाठी मला वाटतं रात्री बेरात्री पण त्यांना स्वप्न पडत असेल. सध्या सरकार पडणार असे ते सांगत आहेत. त्यासाठी वेगवेगळ्या तारखांचे भाकीत करत आहेत. ते ब्राह्मण असल्याने त्यांचं भाकीत खरे ठरेल असं मला वाटत होतं. मात्र, त्यांचं कोणतही भाकीत खरं ठरलेले नाही असा टोला खडसेंनी फडणवीसांना लगावला होता.
