मुक्ताईनगर (प्रतिनिधी) : पंचायत समितीचे माजी सभापती तथा कुर्हाकाकोडा येथील डी.ओ.पाटील यांची गावातील पेट्रोल पंपाबाहेर असलेल्या मोकळ्या जागेत एका अज्ञात इसमाने धारदार शस्त्राने गळा चिरून हत्या केल्याची घटना बुधवारी सकाळी उघडकीस आल्याने जिल्ह्यात खळबळ उडाली आहे.
घटनास्थळी मुक्ताईनगर चे पोलीस निरीक्षक सुरेश शिंदे पीएसआय निलेश साळुंखे यांच्यासह श्वानपथक दाखल झाले आहे. हत्या कुठल्या कारणाने झाली याचा तपास पोलीस करीत आहे. याठिकाणी आरोपी सीसीटीव्हीत कैद झाला असून त्याचा पोलिसांकडून शोध सुरू करण्यात आला आहे.हत्येचे नेमके कारण अद्याप स्पष्ट झालेले नाही.
