जळगाव. : जागतिक मानसिक आरोग्य दिनाचे औचित्य साधून कला व मानव्यविद्या प्रशाळे अंतर्गत असलेल्या मानसशास्त्र विभागातर्फे मानसिक आरोग्य मेळा आयोजित करण्यात आला.
कवयित्री बहिणाबाई चौधरी उत्तर महाराष्ट्र विद्यापीठाच्या मानसशास्त्र विभागातर्फे हा मेळावा आयोजित करण्यात आला. या मेळाव्यामध्ये विद्यापीठातील विद्यार्थी, शिक्षक वृंद, कर्मचारी यांनी या मेळाव्यामध्ये सहभाग घेतला. या मेळाव्यामध्ये विविध मानसशास्त्रीय खेळ, मानसशास्त्रीय चाचण्या, मानसशास्त्रीय प्रयोग, रंजक खेळ तसेच अल्पोपहाराचे समावेश होता. सदर कार्यक्रमाच्या माध्यमातून विद्यार्थ्यांमध्ये मानसिक आरोग्याचे महत्व तसेच मानसशास्त्राचे स्वरूप अधोरीखित करण्यात आला. मेळाव्यात अंदाजे ४५० ते ५०० विद्यार्थ्यांनी उत्साही प्रतिसाद नोंदविला.
सदर मानसिक आरोग्य मेळाव्यास प्र-कुलगुरू प्रा. डॉ.एस.टी. इंगळे, कुलसचिव. डॉ. विनोद पाटील, प्रशाळेचे संचालक डॉ. रामचंद्र पी. भावसार तसेच इतर विभागातील प्राध्यापकांनी भेट देऊन उत्स्फूर्त प्रतिसाद नोंदवला. मानसशास्त्र विभागातील प्रा. डॉ. वीणा महाजन, संरक्षणशास्त्र विभागाचे प्राध्यापक डॉ. तुषार रायसिंग, मानशास्त्र विभागातील विद्यार्थी, प्रशासकीय कर्मचारी पंकज शिंपी, दिपाली मराठे, कुंदन ठाकरे यांनी कार्यक्रम यशस्वीतेसाठी प्रयत्न केले.
