जामनेर (प्रतिनिधी):
कवठेमहांकाळ(जि सांगली) येथुन जामनेरमार्गे मध्यप्रदेशाकडे खाजगी ट्रक प्रवासी मजुर घेऊन जात असतांना तालुक्यातील गारखेडा जवळ ट्रकचे स्टेरींग लॉक झाल्याने गाडी पलटुन त्यामधील सुमारे १२ प्रवासीमजुर जखमी झाल्याची घटना आज (१३) दुपारी चार वाजेच्या दरम्यान घडली.परमानंद निसार वय २३,वेदन्यास निसार वय २२,असुफ निसार वय ३२,धनेश्वरीबाई वय ३०,कमल निसार वय २३,सरीत पटेल वय २०,भुपेंद्र निसार वय २० सर्व रा छत्तीसगड, तर राजकुमार चौधरी वय ३४,विवेक पांडे वय ३१,बल्लु पोर वय २९,दिपक महुबिया वय २७ सर्व रा कटणी मध्यप्रदेश आदींचा जखमीमधे समावेश आहे.
घटनेची माहिती मिळताच उपजिल्हा रूग्णालयाची १०८ रूग्णवाहीकेद्वारा जखमींना दवाखान्यात दाखल करण्यात येऊन,त्यांचेवर डॉ विनय सोनवणे,डॉ जयश्री पाटील,डॉ आर के पाटील आदींनी औषधोपचार केले. यावेळी तहसिलदार अरूण शेवाळे,पोलीस निरीक्षक प्रताप ईंगळे यांनी जखमी प्रवासी मजुरांची विचार-पुस करून त्यांच्या पुढील प्रवासासाठी एसटी महामंडळाद्वारे करून देण्यात आली व त्यांच्यासोबत जेवणाची व्यवस्था करून देण्यात आली.सर्वांना मध्यप्रदेशाच्या सिमेपर्यंत एसटी बसने सोडुन देण्यात येणार असल्याचे तहसिलदार शेवाळे यांनी सांगीतले.
