प्रवाशी ट्रकवर झोपले ; गोदान ,पुष्पक, महानगरी भुसावळपर्यंत
भुसावळ :- येथुन गोदान एक्सप्रेस रद्द केल्याने संतप्त प्रवाशांनी गोदान एक्सप्रेस परत बोलावण्याची जोरदार मागणी केली.दरम्यान यावेळी प्रवाशांनी रेल्वे प्रशासनाच्या विरोधात नारेबाजी करत घोषणा दिल्या व स्टेशन मास्तर अय्यर यांना घेराव घातला.
मुंबईमध्ये सुरू असलेल्या मुसळधार पावसामुळे सर्वत्र जनजीवन विस्कळीत झालेले असतांनाच मध्य रेल्वेच्या वाहतुकीचा देखील मोठ्या प्रमाणावर खोळंबा झाला आहे. तर उत्तर भारतातून मुंबईकडे जाणाऱ्या अनेक गाड्या रद्द करण्यात आले. दरम्यान भुसावळ रेल्वे स्थानकावर आज दुपारी गोरखपूर वरून मुंबईकडे जाणारी ही गाडी आली असता, या गाडीला भुसावळ रेल्वे स्टेशन वरून रद्द केल्याने प्रवाशांचा प्रचंड संताप झाला. या संतप्त प्रवाश्यानी स्टेशन निरीक्षक जी.आर.अय्यर यांना घेराव घातला व त्वरित गाडी सुरू करा व आम्हाला पोहचवा अशी मागणी केली.
यागोंधळामुळे प्लँटफॉर्म क्रमांक 4 वर चांगलाच गोंधळ उडाला आहे. प्रवाशांचे पुढील प्रवासाचे पैसे सुद्धा परत यावेळी करण्यात येत आहे परंतु प्रवाशांचे हाल झाल्यामुळे भुसावळ रेल्वे स्टेशनवर रेल्वे प्रशासनाच्या विरोधात जोरदार घोषणाबाजी सुरू केल्याने तात्काळ त्या ठिकाणी रेल्वे पोलिसांचा वाढीव बंदोबस्त लावण्यात आलेला आहे.
दरम्यान महानगरी एक्सप्रेस हीगाडी सुध्दा दुपारी 2 . 55 ला भुसावळ येथे आली. असता संतप्त प्रवाश्यानी महानगरी गाडीपुढे ट्रकवर झोपून घेतले व घोषणा दिल्या तर तेवढ्यात प्लँटफॉर्म क्रमांक 7 वर पुष्पक एक्सप्रेस आली ही गाडी सुद्धा रद्द करण्यात येऊन गाडी मधील प्रवासी यांना उतरविण्यात आले आहे .
