भुसावळ-देवळाली पॅसेंजर विलंब न होता वेळेवर धावावी

ट्रेन लाईव्ह संघटनेचे डी. सी. एम. यांना निवेदन
पाचोरा (प्रतिनिधी) : भुसावळ रेल्वे स्थानकावरुन दररोज भुसावळ ते नाशिकरोड पॅसेंजर (क्रं. अप – ५११८१) ही भुसावळ स्थानकावरुन सायंकाळी निघाल्यानंतर या पॅसेंजर गाडीला जळगांव, शिरसोली अथवा माहेजी या स्थानकावर दिर्घकाळ थांबविण्यात येते. व एक्सप्रेस गाड्या पुढे काढण्यात येतात. यामुळे अंतिम स्थानका पर्यंत पोहचण्यास विलंब होतो. यामुळे ग्रामिण भागातील नागरिकांना दिरंगाईला सामोरे जावुन रात्री – अपरात्री प्रवास करावा लागत आहे. प्रवाशांना होणाऱ्या या त्रासाची ट्रेन लाईव्ह संघटनेने दखल घेत डी. आर. एम. अरुण कुमार यांना संघटनेचे संस्थापकीय अध्यक्ष दिलीप पाटील यांनी मागण्यांचे निवेदन दिले आहे. डी. आर. एम. अरुण कुमार यांनी यावेळी संघटनेचे अध्यक्ष दिलीप पाटील यांचेशी समस्यांबाबत सविस्तर चर्चा करत सांगितले की, मध्य रेल्वेचे महाव्यवस्थापक (जी.एम.) संजीव मित्तल यांचा भुसावळ डिव्हीजन दौरा दि. ३१ जानेवारी रोजी दौरा आहे. दिलीप पाटील यांनी डी. आर. एम. यांना जी. एम. संजीव मित्तल यांचेशी चर्चा करण्यासाठी वेळ मागितला असता यावर डी. आर. एम. म्हणाले की, हा दौरा आॅफिशियली असुन यात लोक प्रतिनीधी यांचेसोबत चर्चा करण्यासाठी वेळ नसणार आहे. आपल्या मागण्या संदर्भात जी. एम. संजीव मित्तल यांचे सोबत सविस्तर चर्चा करून सकारात्मक निर्णय घेतला जाईल असे आश्वासित केले आहे.
अशा आहेत ट्रेन लाईव्ह प्रवाशी संघटनेच्या मागण्या गीतांजली एक्सप्रेस पाचोरा थांब्याबाबतचे व मूलभूत सुविधांबाबतचे तसेच भुसावळ – नाशिकरोड (क्रं. अप ५११८१) ही पॅसेंजर रोजच उशिराने धावते ती वेळेवर धावण्यासाठी योग्य पाऊल उचलणे, चाळीसगांव स्थानकावरील पार्किंगचा मोठा प्रश्न अशा मुलभुत समस्यांचे निवेदन डी. आर. एम. अरुण कुमार यांना दिले. यावेळी ट्रेन लाईव्ह प्रवाशी संघटनेचे संस्थापक अध्यक्ष दिलीप पाटील, सहसचिव सौरभ पाटील, पराग बढे, नितीन सोनवणे व आदी संघटनेचे पदाधिकारी व सदस्य उपस्थित होते. समस्या सोडविण्यासाठी उच्चस्थरावर नक्कीच प्रयत्न होतील असे आश्वासन डी. सी. एम. यांनी संघटनेला दिले.