भुसावळ (प्रतिनिधी) : शहरातील नाहाटा चौफुली नजिक भागात दोघांना बा जारपेठ पोलिसांनी एका गावठी कट्टासह चाकू बाळगतांना रंगेहाथ जेरबंद केल्याची घटना येथे घडली .
भुसावळ शहरातील नाहाटा चौफुली भागात अजय गोंडाले व त्याचे दोन साथीदार काहीतरी हेतूने त्या परिसरात फिरत असल्याची माहिती निरीक्षक दिलीप भागवत यांना मिळल्यावरून यांच्या मार्गदर्शनाखाली सपोनि अनिल मोरे ,गुन्हे शोध पथकातील पोलीस कर्मचारी पोना रमण सुरळकर,पोकॉ विकास सातदिवे,पोकॉ ईश्वर भालेराव,पोकॉ प्रशांत परदेशी अशांनी घटनास्थळी रवाना केले.
यावेळीआरोपी अजय गोंडाले, शुभम पचरवाल, विक्रांत उर्फे विक्की अनिल तायडे राहणार भुसावळ हे दोघेही घासीलाल वडेवाल्यांच्या दुकानजवळ उभे असलेले दिसले. पोलिसांना पाहताच त्यांनी पळ काढला मात्र पोलिसांनी शिताफतीने त्यातील दोघांना ताब्यात घेतले. त्यांची अंगझडती घेतली असता शुभम पचरवाल जवळून १५ हजार रुपये किमतीचे गावठी कट्टा व विक्की जवळून चाकू मिळून आला. या दोघांना बाजारपेठ पोलीस स्टेशनला आणले असून आर्म अँक्ट ३/२५ प्रमाणे गुन्हा नोंद करण्यात आला आहे.तर यातील आरोपी अजय गोंडाले फरार झाला असून पोलीस शोध घेत आहे.
