एसीबीच्या पथकाने केली कारवाई : 15 हजारांची मागितली लाच
भुसावळ, दि.6 –
छळ प्रकरणातील गुन्ह्यात आईला अटक न करण्यासाठी 15हजारांची लाच मागणार्या बाजारपेठ पोलीस ठाण्यातील पोहेकॉ. लतीफ शेख पहेलवान यांना जळगाव येथील लाचलुचपत प्रतिबंधक विभागाच्या पथकाने दि.6 सप्टेंबर रोजी रोजी सायंकाळी जाम मोहल्ला भागात रंगेहाथ अटक केली. या कारवाईने पोलिस दलात प्रचंड खळबळ उडाली आहे.
बाजारपेठ पोलिस ठाण्यात विवाहितेचा छळ केल्याप्रकरणी आरोपींविरुद्ध गुन्हा दाखल होता त्यातील आरोपीच्या आईला अटक करायची नसेल तर 15 हजार रू.द्यावे लागतील, अशी मागणी पोहेकॉ.लतीफ शेख यांनी केल्यानंतर तक्रारदाराने एसीबीकडे तक्रार नोंदवल्यानंतर सापळा रचण्यात आला. एसीबीचे पोलीस उपअधीक्षक गोपाळ ठाकूर यांच्या मार्गदर्शनाखाली पोलीस निरीक्षक नीलेश लोधी व सहकार्यांनी हा सापळा यशस्वी केला. रात्री उशिरा बाजारपेठ पोलिसात गुन्हा दाखल करण्यात आला नव्हता.